Eclesiastés 8:9 - Q'eqchi Bible

⁹ Xink'e inch'ool chi xtawb'al ru jo'ch'inal jo'nimal nak'ulmank sa' ruuchich'och'. K'a'ut naq wankeb' winq k'eeb'ileb' xwankil chi xrahob'tesinkil eb' li ras riitz'in?

Li Santil hu

⁹ Chixjunil aꞌin quinqꞌue retal nak quin-oc chixtzꞌilbal rix li cꞌaꞌru nacꞌulman saꞌ ruchichꞌochꞌ. Quinqꞌue retal nak cuanqueb li cui̱nk cuanqueb xcuanquil saꞌ xbe̱neb li ras ri̱tzꞌin ut nequeꞌxba̱nu raylal reheb.

Eclesiastés 8:9 ပူးပေါင်းရင်းမြစ်များ

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Eclesiastés 5:13

Wank jun chik ch'a'ajkilal ak xwil arin sa' ruuchich'och': a'an li xxokb'al naab'al li b'ihomal yal re naq laj eechal re tixk'ul rahilal moqon.

Eclesiastés 7:25

Toja' naq xink'e inch'ool chi xtzolb'al jo'ch'inal jo'nimal naxk'e rib' chiwu, re naq twanq b'ayaq inna'leb'. Ut xink'e reetal naq moko us ta li memil, ut li memil a'an kama' li jipil.

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Deuteronomio 2:30

“A'ut laj Sijón, awab'ej re Jesbón, ink'a' kooxkanab' chi nume'k aran, xb'aan naq li Qaawa' laaYos ak xkawresi ut xjipob'resi li xch'ool re xq'axtesinkil sa' leeruq' jo' naq wank anaqwan.

Éxodo 14:28

Naq kixk'ul wi' chik rib' li ha', eb' li b'eleb'aal ch'iich' jo'wi' eb' li wankeb' sa' xb'eeneb' ut chixjunileb' laj puub' re laj Parahón li ke'ok sa' li palaw chirixeb' laj Israel, ke'muqunk chi rub'el: tik maajun kikole'k.

2 Reyes 25:7

Chiru ajwi' laj Sedesías ke'kamsiik chi ch'iich' chixjunileb' li ralal, ut a'an ki'isiik xsa'eb' li ru, ke'xb'ak' rik'in wiib' kareen q'anch'iich' ut ke'xk'am toj Babilonia.

Eclesiastés 3:16

Toj wank chik k'aru xwil sa' ruuchich'och': naq ink'a' na'uxk li k'ulub'ej ut li tiikilal, ut a' chik li maa'usilal ut li lab'al nab'aanumank.

Eclesiastés 4:1

Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Eclesiastés 7:7

Li wank xna'leb' namemob'resiik xch'ool naq nanumtaak sa' xb'eeneb' li ras riitz'in. Ut wi naxk'e rib' chi tuminaak ru, timil timil taapo'q li xna'leb'.

Eclesiastés 5:7

Laa'at chaloq'oni ut chapaab' li Yos! Li matk'ek naxk'am chaq li k'iila aatin maak'a' na'ok wi'.