Eclesiastés 8:8 - Q'eqchi Bible

⁸ Maa'ani junaq wank xwankil sa' xb'een li iq' re naq tixtz'ap, chi moko wank xwankil sa' xb'een xkutankil li kamk malaj sa' xb'een xq'ehil li yalok. Ut ink'a' naru naq taakole'q li ink'a' us xna'leb' xb'aan li maa'usilal xb'aanu.

Li Santil hu

⁸ Ma̱ ani junak nacuan xcuanquil saꞌ xbe̱n lix musikꞌ li junju̱nk. Moco ta̱ru̱k ta tixye nak toj ta̱cua̱nk lix yuꞌam xban nak ma̱cuaꞌ aꞌan yal re saꞌ xbe̱n lix yuꞌam. Chi moco cuan junak cuan xcuanquil saꞌ xbe̱n li ca̱mc xban nak ma̱ ani naru nacoleꞌ chiru li ca̱mc. Li incꞌaꞌ us xnaꞌleb incꞌaꞌ ta̱colekꞌ xban li ma̱usilal naxba̱nu.

Eclesiastés 8:8 ပူးပေါင်းရင်းမြစ်များ

Salmos 89:48

Jultikaq aawe, at Qaawa', k'aru linyu'am. Ma maak'a' aj e naq xayoob'tesiheb' li poyanam?

Li xHu LAJ JOB 14:5

Kach'in roq li qayu'am ut ajlanb'ileb' li qakutan aab'aan. Ut li k'aru nakaye laa'at, maa'ani naru taajaloq re.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Eclesiastés 3:21

Maa'ani naxnaw chi tz'aqal naq li xmusiq'aal xyu'am li winq naxik taqe'q, ut li xmusiq'aal xyu'am li xul naxik taq'a, sa' ch'och'.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

Salmos 9:17

Li Qaawa' xk'ut rib' ut xraqok aatin: xb'ach'le rib' laj maak sa' li xb'aanuhom li ruq'.

2 Corintios 13:4

Yaal ajwi' naq kikamk chiru krus xb'aan xmajelal li xmetz'ew, ab'an yo'yo anaqwan xb'aan li xnimal xwankil li Yos. Jo'kan ajwi' laa'o: yooko chi tz'aqonk sa' xmajelal li xmetz'ew, ab'an yo'yooqo qochb'een a'an sa' xk'ab'a' li xnimal xwankil li Yos re k'anjelak cheru.

1 Corintios 15:43

na'awe' li toq'ob'aal ru, ut taayo'laaq li q'axal loq'; na'awe' li maak'a' xkawilal, ut taayo'laaq li q'axal kaw rib';

Isaías 28:18

Taasachmanq xwankil li xk'eeb'al eerib' sa' aatin rik'in li kamk, ut li sumwank rik'in li xna'ajeb' li kamenaq taakanaaq chi maak'a' rajb'al. Naq taachalq li nimla rahilal, texputz'i.

Li xHu LAJ JOB 34:14

Sa' li kutan naq taaraj risinkil xmusiq'eb' li poyanam,

2 Samuel 14:14

Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

2 Reyes 7:15

Koheb' ut ke'xtaaqe li xnumseb' laj Aram toj chire li nima' Jordán. Sa' chixjunil li b'e nasoq'oxink eb' li aq'ej ut li k'a'aq re ru ke'xtz'eq eb' laj Aram sa' raanileb'. Chirix chik a'an eb' li xtaql li awab'ej ke'sutq'iik chaq ut kole'xseeraq'i re chixjunil.

Proverbios 12:3

Maa'ani naxk'ojob' xch'ool sa' xb'een li maa'usilal; li tiik xch'ool maajaruj taa'eek'asiiq sa' xna'aj.

Eclesiastés 9:12

Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

Isaías 47:10

Jwal xak'ojob' aach'ool sa' laamaa'usilal ut xaye: «Maajun na'ilok we», chankat. Laana'leb' ut laanawom xe'b'alaq'ink aawe. Xaye ajwi' sa' laach'ool: «Ka'ajin wi' ut maak'a' chik junaq jo' laa'in».