Eclesiastés 8:5 - Q'eqchi Bible

⁵ Li naxpaab' li xtaqlahom, maak'a' li ink'a' us tixk'ul; ut li wank xna'leb' naxnaw jo'q'e ut chanru tixpaab' li chaq'rab'inb'il wi'.

Li Santil hu

⁵ Li ani naxba̱nu li natakla̱c cuiꞌ xban li rey, ma̱cꞌaꞌ tixcꞌul. Ut li ani cuan xnaꞌleb naxnau jokꞌe ut chanru nak tixba̱nu li natakla̱c cuiꞌ.

Eclesiastés 8:5 ပူးပေါင်းရင်းမြစ်များ

Hebreos 5:14

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

San Lucas 20:25

Ut a'an kixye reheb': —Q'ajsihomaq b'i' re li awab'ej li k'aru re li awab'ej, ut re li Yos li k'aru re li Yos.

1 Crónicas 12:32

Sa' xyanqeb' laj Isakar li xk'ihaleb', a'an lajeek'aal (200) chi aj jolominel, rochb'eeneb' chixjunileb' li wankeb' rub'el xwankileb'. Eb' laj Isakar wankeb' xna'leb' re xnawb'al k'aru us te'xb'aanu eb' laj Israel.

Hechos 5:29

Kichaq'ok laj Pedro jo'wi' eb' li apóstol, ut ke'xye: —Xb'een xb'een tento xpaab'ankil li Yos, ut ink'a' eb' li winq.

Oseas 5:11

Q'axal rahob'tesinb'ileb' laj Efraín, ink'a' chik nak'eemank reheb' li k'aru xk'ulub'eb', xb'aan naq chirixeb' li jalanil yos yo chi xik li xch'ooleb'.

Eclesiastés 10:2

Li ani wank xna'leb', junelik naxik xch'ool chirix li us, ab'an li maak'a' xna'leb' naxik xch'ool chirix li ink'a' us.

Eclesiastés 8:2

Paab' li xchaq'rab' li awab'ej, xb'aan naq jo'kan xaye sa' jurament chiru li Yos.

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Proverbios 17:24

Li seeb' xk'a'uxl junelik naxsik' xtz'aqob' li xna'leb'; a'ut li maak'a' xna'leb' ink'a' naxnaw b'ar yo chi xik.

Éxodo 1:17

Ab'an eb' laj xokol k'uula'al neke'xxiwa ru li Yos ut ink'a' ke'xb'aanu li ke'taqlaak wi' xb'aan li awab'ej re Ejiipt, ke'xkanab' b'an chi yo'yo eb' li kok' teelom.

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

Salmos 119:6

Jo'kan naq maak'a' k'aru tinxutaanaq wi', wi tink'e inch'ool chirix laachaq'rab'.

Proverbios 12:21

Maajun rahilal tixk'ul li tiik xch'ool; a'ut li ink'a' us xna'leb' chixjunil li ch'a'ajkilal taachalq sa' xb'een.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.