Eclesiastés 8:14 - Q'eqchi Bible

¹⁴ Sa' li ruuchich'och' a'in wank jun chik li maak'a' rajb'al: wankeb' li chaab'ileb' xch'ool neke'xk'ul li xk'ulub'eb' raj laj maak, ut wankeb' laj maak neke'xk'ul li xk'ulub'eb' li tiikeb' xch'ool. Ut laa'in ninye naq a'in ajwi' maak'a' xyaalal!

Li Santil hu

¹⁴ Cuan jun chic li naꞌleb na-uxman saꞌ ruchichꞌochꞌ incꞌaꞌ nintau ru. Aꞌan nak eb li cha̱bileb xnaꞌleb nequeꞌxcꞌul raylal. Ut li raylal nequeꞌxcꞌul eb aꞌan, reheb raj li incꞌaꞌ useb xnaꞌleb. Ut eb li incꞌaꞌ useb xnaꞌleb, usilal nequeꞌxcꞌul. Ut li usilal li nequeꞌxcꞌul, aꞌan reheb raj li cha̱bileb xnaꞌleb. La̱in ninye nak aꞌin ma̱cꞌaꞌ na-oc cuiꞌ.

Eclesiastés 8:14 ပူးပေါင်းရင်းမြစ်များ

Eclesiastés 7:15

Yal numelin arin sa' ruuchich'och', ut xink'e reetal chixjunil a'in: wankeb' chaab'ileb' xch'ool li neke'kamk, us ta chaab'il li xna'leb'eb'; ut wankeb' li ink'a' useb' xch'ool najt neke'wank sa' ruuchich'och', us ta k'ajo' xmaa'usilaleb'.

Malaquías 3:15

Laa'o xqak'e reetal naq saheb' sa' xch'ool eb' li q'etq'et, ut jwal us neke'elk li yib'ru xna'leb'eb' rik'in xb'aanunkil li maa'usilal: us ta neke'xyal rix li Yos, maajun rahilal neke'xk'ul»”.

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Salmos 73:3

xb'aan xkaqalinkileb' li q'etq'eteb' ut xb'aan rilb'al naq wankeb' sa' sahilal li ink'a' useb' xna'leb'.

Li xHu LAJ JOB 21:7

K'a'ut naq toj yo'yookeb' li ink'a' useb' xna'leb'? Neke'tixk chi k'ajo'eb' xwankil.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Eclesiastés 10:5

Jun chik li ch'a'ajkilal xwil laa'in sa' ruuchich'och', ut nachalk rik'ineb' li wankeb' sa' li chaq'rab':

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Li xHu LAJ JOB 1:22

Rik'in chixjunil li rahilal kixk'ul laj Job, ink'a' kimaakob'k ut maak'a' ink'a' us kixk'oxla chirix li Yos.

Li xHu LAJ JOB 27:12

Ut wi chejunilex ak eerilom li naxb'aanu, k'a'ut naq nekex'aatinak chi maak'a' xyaalal?