Eclesiastés 7:8 - Q'eqchi Bible

⁸ Q'axal us xchoyb'al junaq k'anjel chiru li yal xtikib'ankil. Ut q'axal us li kuyuk chiru li nimob'resink ib'.

Li Santil hu

⁸ Kꞌaxal us nak ta̱choy li cꞌanjel li ac xatiquib xba̱nunquil chiru nak ta̱tiquib xba̱nunquil jun chic cꞌanjel ut incꞌaꞌ ta̱choy xba̱nunquil. Ut kꞌaxal us li cuyuc ib chiru li nimobresi̱nc ib.

Eclesiastés 7:8 ပူးပေါင်းရင်းမြစ်များ

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

Santiago 5:11

“Us xaq reheb' li ke'kuyuk rahilal rik'in xkawub' xch'ooleb'”, chanko. Eerab'ihom resil li xnimal xkuyum laj Job; ut nekenaw ajwi' k'aru kixk'ul rik'in li Qaawa' sa' xraqik, xb'aan naq li Qaawa' a'an aj toq'ob'anel u ut aj uxtaan.

Santiago 5:8

Chekuyaq ajwi' oyb'enink laa'ex. Chekawub'resiiq leech'ool xb'aan naq li xk'ulunik li Qaawa' xnach'ok chaq.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

San Lucas 21:19

Rik'in xkawub' eech'ool teekol leeyu'am.

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

Proverbios 15:18

Li ani ch'inpo' nayoob'ank ch'a'ajkilal; a'ut li wank xkuyum naxch'anab' li raaxiik'.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Proverbios 28:25

Li naxrahi ru li tumin, nayoob'ank raaxiik'; ab'an li k'ojk'o xch'ool rik'in li Qaawa', us taa'elq.

Proverbios 13:10

Li q'etq'etil junes raaxiik' naxyoob'; a'ut li chaab'il k'a'uxl wank rik'ineb' li neke'xkub'si xwankil.

Efesios 4:2

q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok,

Eclesiastés 7:1

Q'axal us naq chaab'il te'aatinaq chawix chiru naq taab'on aawib' sa' k'iila sununkil b'an. Jwal us li xkutankil li kamk chiru li xkutankil li yo'laak.