Eclesiastés 7:26 - Q'eqchi Bible

²⁶ Xink'e ajwi' reetal naq li ixq ink'a' us xna'leb' naab'al chik li rahilal naxk'am chaq chiru li kamk. Li ixq a'an chanchan jun ra'al, naxyal xq'e chi q'unb'esink rik'in li xch'ool ut eb' li xtel. Wi laa'at nakapaab' li Yos, taakol aawib' chiru li ixq a'an; ab'an wi ink'a' nakapaab' li Yos, tatt'ane'q sa' li xra'al.

Li Santil hu

²⁶ Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

Eclesiastés 7:26 ပူးပေါင်းရင်းမြစ်များ

Proverbios 22:14

Li naxch'ik rib' rik'in laj yumb'eet, a'an jo' li t'ane'k sa' siwan: aran neke'oso'k li neke'tz'eqtaanank re li Qaawa'.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Proverbios 2:16

Tatxkol ajwi' chiru li rixaqil li junchik li naq'unb'esink rik'in q'unil aatin:

Proverbios 9:18

Ab'anan eb' li yookeb' chi ab'ink ink'a' neke'xnaw naq li ochoch a'an, a'an xna'ajeb' li kamenaq, ut eb' li rula' wankeb' chik sa' xchamal li xb'alb'a.

Éxodo 10:7

Toja' naq eb' laj k'anjel chiru laj Parahón ke'xye re: “Jo' najtil chik toxra'le li winq a'an? Kanab'eb' chi xik li tenamit a'in re naq te'xloq'oni li Qaawa' li xYoseb'. Ma toj maji' xataw ru naq yo chi oso'k li tenamit Ejiipt?”, chankeb'.

Proverbios 6:23

Xb'aan naq li chaq'rab' ut li taqlahom, a'an jun lochlookil xam; li qatijb'al ut qaq'usb'al a'an xb'ehil li yu'am.

Proverbios 6:24

A'an tatxkol chiru li ixq ink'a' us xch'ool, ut chiruheb' li b'alaq'il aatin naxye li ab'li ixq.

Eclesiastés 7:27

Naq yookin chi xtz'ilb'al rix chixjunil a'in, laa'in laj Ch'olob'anel xoxintaw ru a'in:

Génesis 19:35

Sa' ajwi' li q'oqyink a'an ke'xk'e wi' chik b'iin re li xyuwa'; ut ki'ok chi wark li iitz'inb'ej rik'in li xyuwa', chi ink'a' kixk'e reetal jo'q'e xyoklaak ut jo'q'e xwakliik li xrab'in.

Génesis 39:9

Maajun nim xwankil chiwu sa' li kab'l a'in. Laj eechal we maak'a' k'a' re ru ink'a' ta xk'e we, ka'aj chik laa'at, xb'aan naq rixaqilat. Chan put ru naq tinb'aanu li nimla maa'usilal a'in ut tinmaakob'q chiru li Yos?”.