Eclesiastés 7:25 - Q'eqchi Bible

²⁵ Toja' naq xink'e inch'ool chi xtzolb'al jo'ch'inal jo'nimal naxk'e rib' chiwu, re naq twanq b'ayaq inna'leb'. Ut xink'e reetal naq moko us ta li memil, ut li memil a'an kama' li jipil.

Li Santil hu

²⁵ Joꞌcan nak quin-oc xsicꞌbal xya̱lal chanru nak tintau xtzꞌakob lin naꞌleb re nak tintau ru chixjunil li cꞌaꞌak re ru aꞌin. Quicuaj xtaubal ru cꞌaꞌut nak na-uxman li ma̱usilal ut li to̱ntil naꞌleb saꞌ ruchichꞌochꞌ.

Eclesiastés 7:25 ပူးပေါင်းရင်းမြစ်များ

Eclesiastés 10:13

Naxtikib' aatinak rik'in memil aatin, ut naraqe'k rik'in xyeeb'al li maak'a'il na'leb'.

Eclesiastés 7:27

Naq yookin chi xtz'ilb'al rix chixjunil a'in, laa'in laj Ch'olob'anel xoxintaw ru a'in:

Eclesiastés 2:20

Naq xwil chixjunil li k'anjel xlajinb'aanu, ra xweek'a rik'in naq xintawasi wib' chiru linyu'am,

Eclesiastés 2:15

Jo'kan naq xinye sa' inch'ool: “Li k'aru toxraqe'q wi' li ani maak'a' xna'leb' juntaq'eet ajwi' rik'in li tink'ul laa'in. Jo'kan naq maak'a' aj e naq wank inna'leb'. Relik chi yaal naq maak'a' rajb'al chixjunil a'in!”, chankin sa' inch'ool.

Eclesiastés 2:12

Xin'ok ajwi' chi k'oxlak chirix chixjunil li chaab'il na'leb', jo'wi' chirix li memil ut li jipil. K'a' chik ru tixb'aanu li awab'ej tkanaaq sa' linna'aj? Ma ink'a' tab'i' a' li ak xinb'aanu laa'in?

Proverbios 26:11

Jo' naq li tz'i' naxlow wi' chik sa' li xxa'aw, jo'kan ajwi' li maak'a' xna'leb' naq naxb'aanu wi' chik li maa'usilal.

Proverbios 17:12

Jwal us naq taataw aawib' rik'in junaq josq' aj xul chiru naq toxaataw junaq winq maak'a' xna'leb'.

2 Samuel 13:12

“Ink'a', at was -chan li ixqa'al-, maamin wu, xb'aan naq ink'a' na'uxk chi jo'kan sa' qayanq laa'o aj Israel. Maab'aanu li maa'usilal a'in.

Josué 7:13

Xaqlin b'i', kawresi xch'ooleb' li tenamit ut ye reheb': Santob'resiiq eerib' re wulaj, xb'aan naq jo'ka'in xye li Qaawa', xYos laj Israel: «At Israel, sa' eeyanq wank li tz'i'b'eetalil. Jo'kan naq ink'a' truuq teekuy sa' ruq'eb' li xik' neke'ilok eere, wi ink'a' nekerisi sa' eeyanq li k'aru tento raj xsachmank».

Génesis 34:7

Naq eb' li ralal laj Jakob ke'rab'i li kik'ulmank, ke'sutq'iik chaq sa' xk'al ut ke'po'k li xch'ooleb'. K'ajo' naq ke'chalk xjosq'il, xb'aan naq nimla maak li kixb'aanu laj Sikem naq kiwark rik'in li xrab'in laj Jakob: a'an ink'a' naru xb'aanunkil!