Eclesiastés 7:14 - Q'eqchi Bible

¹⁴ Chisaho'q sa' laach'ool sa' xq'ehil li sahilal. Ab'an wi taachalq li rahilal sa' aab'een, chak'oxla naq chixjunil nachalk rik'in li Yos, ut maa'ani naxnaw li k'aru chalk re sa' xb'een.

Li Santil hu

¹⁴ Chisahokꞌ saꞌ e̱chꞌo̱l nak nequex-el chi us riqꞌuin li cꞌaꞌru nequeba̱nu. Ut cui nachal li raylal saꞌ e̱be̱n, cheqꞌuehak retal nak li Dios naqꞌuehoc sahil chꞌo̱lej ut naxqꞌue ajcuiꞌ li rahil chꞌo̱lej. Ma̱ ani naxnau cꞌaꞌru ta̱cha̱lk chiru mokon.

Eclesiastés 7:14 ပူးပေါင်းရင်းမြစ်များ

Eclesiastés 3:22

Xink'e reetal naq li q'axal us cho'q re li winq, a'an xyalb'al xsahil li k'aru naxk'anjela. Maak'a' chik truuq tqab'aanu, xb'aan naq maa'ani truuq taak'amoq chaq qe chi rilb'al li k'aru taak'ulmanq chirix li qakamik.

Eclesiastés 3:4

Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Deuteronomio 28:47

Sa' xk'ab'a' naq ink'a' xatk'anjelak chiru li Qaawa' laaYos sa' xsahil aach'ool ut sa' xsahil aawaanm, naq wan chaq chixjunil k'aru aawe,

Deuteronomio 8:3

Us ta kixkub'si laawankil ut katxk'e xkuyb'al aasa', ab'anan kixk'e chawa' li maná li ink'a' aanawom ru laa'at chi moko xnawomeb' ru laana' laayuwa', re xk'utb'al chawu naq moko ka'aj ta wi' rik'in wa yo'yo li winq, rik'in aj b'an wi' chixjunil li na'elk chaq sa' re li Qaawa'.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Santiago 5:13

Wi wank junaq ra wank sa' eeyanq, chitijoq. Wi wank junaq sa sa' xch'ool, chib'ichanq rik'in saalm.

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Miqueas 6:9

Li Qaawa' xjap re chi xb'oqb'al Jerusalén: “Ab'ihomaq, ex tenamit ut li nekexk'ehok na'leb'!

Jeremías 23:20

Maajoq'e taaraqe'q li xjosq'il li Qaawa' toj tixb'aanu li k'aru wank sa' xch'ool xb'aanunkil. Taawulaq xkutankil naq laa'ex toxeetaw xyaalal eb' a k'a'aq re ru a'in.

Salmos 119:71

Q'axal us cho'q we naq xink'ul rahilal, re naq tintzol chixjunil li nakawaj.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Salmos 40:3

Xinrisi chaq sa' xchamal li jul, xinrisi sa' li saab' ha' yookin wi' chi sub'e'k, xinxk'e chi b'eek sa' xb'een li saqoonak: maak'a' chik tink'ul sa' linb'eenik.

Isaías 42:25

Jo'kan naq li Qaawa' k'ajo' naq xjosq'o'k rik'ineb' ut xrahob'tesiheb' rik'in li raaxiik'. Yalaq b'ar xlochmank xxamlel, ab'an ink'a' xe'xk'e reetal; xe'k'atmank, ab'an ink'a' xe'xtaw xyaalal.

Eclesiastés 12:8

Laa'in laj Ch'olob'anel ninye wi' chik a'in: Maak'a' rajb'al chixjunil li wank sa' ruuchich'och', tik maak'a' rajb'al!

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Deuteronomio 8:5

Chataw ru naq li Qaawa' laaYos xatxtij, jo' junaq yuwa'b'ej naxtij li ralal.

Deuteronomio 26:11

Toja' naq taasaho'q aach'ool rik'in chixjunil li xk'ehom aawe li Qaawa' laaYos ut cho'q re laajunkab'al. Jo'kan ajwi' te'saho'q xch'ooleb' laj Leví ut eb' laj ab'l tenamit li wanqeb' sa' eeyanq.

Li xHu LAJ JOB 2:10

Ab'an laj Job kixsume: —At ixq, nakat-aatinak jo' junaq jip. Wi naqak'ul li us taqlanb'il chaq xb'aan li Yos, k'a' naq ink'a' ajwi' tqak'ul li ra? chan laj Job. Rik'in chixjunil li rahilal kixk'ul, ink'a' kimaakob'k laj Job ut maak'a' ink'a' us kixye chirix li Yos.

Eclesiastés 8:7

ink'a' naqanaw li k'aru chaalel, chi moko wank ta junaq taayehoq resil li k'aru taak'ulmanq.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Eclesiastés 10:14

Li jip k'ajo' nawulak chiru aatinak, ab'an maajun naru tixye k'aru taak'ulmanq wulaj kab'ej. K'aru chalk re sa' qab'een? Maa'ani nanawok re.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Eclesiastés 5:17

ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?

Lamentaciones 3:38

Naqak'ul li us ut li ink'a' us, xb'aan naq jo'kan naraj li Qaawa'.