Eclesiastés 7:13 - Q'eqchi Bible

¹³ K'e reetal li xb'aanuhom li Yos: maa'ani taatiikob'resinq re li k'aru xk'onob' rix A'an.

Li Santil hu

¹³ Cheqꞌuehak retal li cꞌaꞌru naxba̱nu li Dios. ¿Ma cuan ta biꞌ junak naru tixti̱cobresi rix junak li cꞌaꞌak re ru li ac xyi̱b li Dios chi yocos rix?

Eclesiastés 7:13 ပူးပေါင်းရင်းမြစ်များ

Eclesiastés 1:15

Li yokos ink'a' chik naru xtiikob'resinkil, ut li namajelo'k ink'a' naru rajlankil.

Li xHu LAJ JOB 12:14

Wi A'an najuk'uk, ink'a' chik naru xkab'lankil; wi junaq nachape'k xb'aan li Yos, maa'ani chik naru taa'ach'ab'anq re.

Isaías 5:12

Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Eclesiastés 3:11

Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Isaías 14:27

Wi li Nimajwal Yos xk'uub'ank re chi jo'kan, ani taaramoq chiru xb'aanunkil? Wi naxteleb' li ruq' A'an, ani taayehoq re naq tixjal li xk'a'uxl?

Salmos 107:43

Wi wank junaq li wank xna'leb', chixk'uulahaq sa' xch'ool chixjunil a'in ut chixtawaq ru li xnimal xrahom li Qaawa'!

Romanos 9:19

“Ab'anan k'aru najosq'o'k wi'?”, cha'qat raj tana we. “Ani truuq taaramoq chiru li k'aru naraj?”.

Romanos 9:15

Xb'aan naq li Yos kixye re laj Moisés: “Twuxtaana ru li ani twuxtaana ru; tintoq'ob'a ru li ani tintoq'ob'a ru”.

Isaías 43:13

Chalen chaq q'e kutan, ak laa'in chaq li Qaawa'. Maajun taakoloq eere sa' wuq'; maajun taaruuq chi xjuk'b'al li ninb'aanu laa'in”.

Li xHu LAJ JOB 37:14

Ab'i a'in, a Job, ut k'e reetal li sachb'ach'oolej naxb'aanu li Qaawa'.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Salmos 8:3

Rik'in xyaab' xkuxeb' li neke'tu'uk ut eb' li k'uula'al xak'ojob' laawankil re xtz'apb'al xsa' reheb' li xik' neke'ilok aawe, re xsachb'al xwankil eb' laj q'etol aatin li neke'raj eeqajunk.

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

Li xHu LAJ JOB 11:10

Wi li Yos tatxk'e sa' tz'alam ut tatxb'oq sa' raqleb'aal aatin, ani taaramoq chiru?

Li xHu LAJ JOB 9:12

Wi naxchap junaq k'a'aq re ru, ani tmaq'oq chiru? Ani tyehoq re: “K'aru nakab'aanu?”.

Eclesiastés 8:17

Xink'e reetal naq ink'a' naru tqataw ru li k'aru naxb'aanu li Yos chi moko li nak'ulmank sa' ruuchich'och'. Us ta tqayal qaq'e chi xsik'b'al, ink'a' tqataw. Mare li wank xna'leb' tixye naq naxnaw xsumenkil li patz'om a'in, ab'anan li xyaalalil, naq maajoq'e tixtaw ru.

San Lucas 12:26

Wi ut chi moko li k'aru jwal kach'in texruuq chi xb'aanunkil, k'a'ut naq naxik eech'ool chi k'oxlak chirix li k'a'aq chik ru?