Eclesiastés 7:1 - Q'eqchi Bible

¹ Q'axal us naq chaab'il te'aatinaq chawix chiru naq taab'on aawib' sa' k'iila sununkil b'an. Jwal us li xkutankil li kamk chiru li xkutankil li yo'laak.

Li Santil hu

¹ Kꞌaxal us nak cha̱bil ta̱yehekꞌ chirix li junju̱nk xban nak cha̱bil lix naꞌleb. Aꞌan kꞌaxal us chiru li sununquil ban. Ut kꞌaxal us li ca̱mc chiru li yoꞌla̱c.

Eclesiastés 7:1 ပူးပေါင်းရင်းမြစ်များ

Apocalipsis 14:13

Chirix chik a'an kiwab'i jun xyaab' kuxej yo chi xyeeb'al sa' choxa: “Tz'iib'a: «Chalen anaqwan us xaq reheb' li kamenaq neke'kamk rik'in li Qaawa'»”. “Yaal -chan li Musiq'ej-, hilaanqeb' rik'in li xk'anjeleb', xb'aan naq li xb'aanuhomeb' neke'ochb'eenink reheb'”.

Proverbios 22:1

Jwal us naq nawnooq laachaab'ilal chiru naq wank aab'ihomal; q'axal us wi' chik li loq'al chiru li oor ut li plaat.

Eclesiastés 4:2

Toja' naq xinye: “Us xaq reheb' li ak kamenaqeb'! Toq'ob'eb' ru li toj yo'yookeb'!”, chankin.

2 Corintios 5:8

ab'an kaw li qach'ool ut naqaj raj xkanab'ankil li junxaqalil a'in re naq wanqo rik'in li Qaawa'.

2 Corintios 5:1

Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

Cantares 1:3

q'axal sa chik chiru rutz'b'al laasununkil b'an! Laa'at jo'kat sununkil b'an li nahoye'k, jo'kan naq nakate'xra eb' li ixqa'al.

Eclesiastés 10:1

Jun kamenaq utz' naxk'e chi tz'eqe'k jun sek'aq chi sununkil b'an. Jo'kan ajwi' kach'in li memil na'leb' q'axal chik nak'eemank reetal chiru li na'leb' jwal loq'.

Proverbios 27:9

Li aseeyt ut li sununkil b'an nak'ehok sahil ch'oolej; li chaab'il na'leb' naxk'e junaq amiiw, naxsahob'resi li aanmej.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Proverbios 15:30

Li se'se' na'ilok naxk'e sahil ch'oolej, ut li chaab'il esilal nak'ehok kawil ch'oolej.

Li xHu LAJ JOB 3:17

Sa' li muqleb'aal kamenaq naraqe'k li xpoqlenkileb' rib' li maa'useb' aj winq, ut neke'hilank li tawajenaqeb'.

San Juan 13:2

Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

Salmos 133:2

A'an chanchan sununkil b'an li nahoymank sa' xb'een jolomej ut nakub'eek toj chi xmach, toj chi xmach laj Aharón, chire chixjunil li raq'.

Hebreos 11:39

Ut chixjunileb' a'an, us ta chaab'il nayeemank chirixeb' xb'aan li xpaab'aaleb', ab'an ink'a' koxe'xtaw li k'aru yeechi'inb'il xb'aan li Yos.

Hebreos 11:2

Sa' xk'ab'a' a'an xsaho'k xch'ool li Yos chirixeb' li qaxe' qatoon.

San Lucas 10:20

Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

Cantares 4:10

K'ajo' nasaho'k sa' inch'ool naq nikinaaq'alu, at wanab', at xsumwaanm! K'ajo' xchaq'alil ru laarahom: q'axal sa wi' chik chiru li b'iin; ut li xb'ook laasununkil jwal sununk wi' chik chiru chixjunileb' li sununkil b'an.

Eclesiastés 7:8

Q'axal us xchoyb'al junaq k'anjel chiru li yal xtikib'ankil. Ut q'axal us li kuyuk chiru li nimob'resink ib'.

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Li xHu LIX RUT 3:14

Kiyoklaak lix Rut chi roq li winq. Ut eq'la chi us, naq toj q'eqom, kiwakliik laj Bohos xb'aan naq naxye sa' xch'ool: “Maa'ani taanawoq re naq li ixq a'in arin xwark”.

Proverbios 25:10

Mare anchal tat-ab'iiq xb'aan jalan chik ut tatxk'e sa' xutaan, ut maak'a' chik k'aru taab'aanu chirix a'an.