Eclesiastés 6:6 - Q'eqchi Bible

⁶ chiru junaq winq li kiyo'yook wiib' mil chihab' ut ink'a' kixyal xsahil li k'aru wank re. Chiqajunilo junaj toxooraqe'q wi'.

Li Santil hu

⁶ Li cui̱nk aꞌin xru raj xcuan cuibak mil chihab saꞌ ruchichꞌochꞌ. Abanan cui incꞌaꞌ xyal xsahil li cꞌaꞌru cuan re, ma̱cꞌaꞌ na-oc cuiꞌ. ¿Ma incꞌaꞌ ta biꞌ ta̱ca̱mk li cui̱nk joꞌ nak quicam li cꞌulaꞌal?

Eclesiastés 6:6 ပူးပေါင်းရင်းမြစ်များ

Eclesiastés 3:20

Chixjunileb' juntaq'eet toxe'raqe'q, xb'aan naq sa' pojtz' elenaqeb' chixjunil, ut pojtz' te'sutq'iiq wi' chixjunileb'.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Jeremías 17:6

A'an chanchanaq li warak'ix sa' li chaqich'och' li maajun wa toxch'oolaniiq, taawanq b'an sa' li na'ajej pek ru, sa' li joxk' ch'och' b'arwi' maajun poyanam wank aran.

Isaías 65:22

Moko te'kab'laq ta ut jalan ta chik taawanq chisa', chi moko te'awq ut jalan chik taayaloq xsahil li ru. Lintenamit taanajto'q roq li xyu'am, jo' jun toon chi che'; ut eb' li sik'b'ileb' ru inb'aan te'xyal xsahil li xk'anjeleb'.

Isaías 65:20

Ink'a' chik te'kamq aran eb' li k'uula'al toja' xe'yo'laak, chi moko te'q'ajq te'sutq'iiq eb' li cheekel poyanam chi ink'a' ta te'xtz'aqob'resi li xchihab'eb'. Li taakamq sa' o'k'aal chihab', chanchan naq taakamq chi toj saaj; ut li ink'a' tixkooloni li o'k'aal chihab', a'an li majewanb'il.

Eclesiastés 12:7

Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Eclesiastés 6:3

Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.

Salmos 34:12

Ex walal ink'ajol, kimqex ut chineerab'ihaq: twaj xk'utb'al cheru roxloq'inkil li Qaawa'.

Li xHu LAJ JOB 7:7

Jultikaq aawe, at inYos, jun apunk ajwi' linyu'am, ut ink'a' chik tinyal xsahil linch'ool.

Li xHu LAJ JOB 1:21

ut kixye: “Chi t'ust'u xin'elk chaq rik'in linna' ut kama'an ajwi' naq tinsutq'iiq aran. Li Qaawa' xk'ehok ut li Qaawa' xmaq'ok chiwu. Usilaatinanb'il taxaq xk'ab'a' li Qaawa'!”.

Génesis 5:5

Lajeeb' xwuqka'k'aal rox o'q'ob' (930) chihab' wank re laj Adán naq kikamk.

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Eclesiastés 7:2

Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

Eclesiastés 9:2

Juntaq'eet te'xk'ul chixjunileb': jo' li tiik xch'ool jo'wi' li ink'a' tiik xch'ool, jo' li chaab'il xna'leb' ut li ink'a' us xna'leb', jo' li naxpaab' li Chaq'rab' ut li ink'a' naxpaab', jo' li namayejak ut li ink'a' namayejak, jo' li saq ru xch'ool ut laj maak, jo' li naxb'aanu jurament ut li ink'a' naxb'aanu.