Eclesiastés 6:12 - Q'eqchi Bible

¹² Ma wank tab'i' junaq nanawok re k'aru tz'aqal li us cho'q re li winq naq wank arin sa' ruuchich'och'? Li xyu'am nanume'k sa' junpaat kama' junaq mu. Maa'ani naru chi xyeeb'al qe k'aru taak'ulmanq moqon, chirix li qakamik.

Li Santil hu

¹² ¿Ma cuan ta biꞌ junak nanaꞌoc re cꞌaꞌru li us chokꞌ re li cui̱nk nak cuan arin saꞌ ruchichꞌochꞌ? Lix yuꞌam nanumeꞌ saꞌ junpa̱t chi ma̱cꞌaꞌ rajbal. Ut, ¿ma cuan ta biꞌ junak ta̱yehok re cꞌaꞌru ta̱cꞌulma̱nk nak acak xcam?

Eclesiastés 6:12 ပူးပေါင်းရင်းမြစ်များ

Santiago 4:14

ut ink'a' nekenaw k'aru teek'ul wulaj. K'a' ta chik ru leeyu'am? A'an chanchan li k'ajob' nak'utunk jun k'amokaq, ut chirix chik a'an nasachk.

Eclesiastés 3:22

Xink'e reetal naq li q'axal us cho'q re li winq, a'an xyalb'al xsahil li k'aru naxk'anjela. Maak'a' chik truuq tqab'aanu, xb'aan naq maa'ani truuq taak'amoq chaq qe chi rilb'al li k'aru taak'ulmanq chirix li qakamik.

Li xHu LAJ JOB 14:2

Jo'ko li uutz'u'uj napuke'k ut na'atz'umak; chanchano li mu nanume'k sa' junpaat ut nasachk.

Salmos 144:4

Li winq jun apunk ajwi' li xyu'am, ut eb' li xkutan chanchaneb' junaq mu yal nanume'k.

Eclesiastés 8:7

ink'a' naqanaw li k'aru chaalel, chi moko wank ta junaq taayehoq resil li k'aru taak'ulmanq.

Li xHu LAJ JOB 8:9

Aj ewero laa'o ut maak'a' naqanaw; li qayu'am nanume'k kama' junaq mu.

1 Crónicas 29:15

Xb'aan naq chawu laa'at chanchano li jalaneb' xtenamit ut yal aj numelo, kama'eb' chixjunil li qaxe'toon. Li qayu'am arin sa' ruuchich'och' chanchan jun li mu, li maak'a' royb'enihom.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Eclesiastés 9:6

Ink'a' chik neke'rahok chi moko xik' neke'ilok, ink'a' chik neke'kaqalink chi moko neke'okenk chik rik'in li na'uxmank arin sa' ruuchich'och'. Ak xraqe'k chixjunil a'an!

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

Salmos 109:23

Kama' nanume'k li q'oqyink, jo'kan naq yo chi oso'k li waanm; xine'xchiq'chiq'i kama' na'uxk re junaq aj saak'.

Salmos 102:11

xb'aan laajosq'il ut li xmay laach'ool: xinaawaklesi ut xinaat'an chiru ch'och'.

Salmos 17:15

A'ut laa'in sa' xtiikilal linch'ool toxwil xnaq' aawu; sa' li wajik, taak'ojlaaq li waanm chi wank chawe chawu.

Salmos 4:6

Yeechi'ihomaq leemayej sa' tiikilal ut k'ojk'ooq leech'ool rik'in li Qaawa'.

Li xHu LAJ JOB 14:21

Moqon chik wi taak'ehe'q xloq'al malaj xxutaan eb' li qalal qak'ajol, ink'a' chik tqanaw a'an.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Salmos 89:47

Toj jo' najtil chik yooqat chi xmuqb'al aawib', at Qaawa'? Ma junelik taak'atoq laajosq'il kama' li xam?

Salmos 47:4

Xq'axtesiheb' sa' quq' chixjunileb' li poyanam, ut xk'eheb' rub'el qoq chixjunileb' li tenamit.

Salmos 16:5

Laa'at linloq'laj maatan ut li xsahil linch'ool, at Qaawa'; chixjunil linyu'am wank sa' laawuq'.

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Eclesiastés 6:11

B'arwi' naab'al li aatin nayeemank, aran numtajenaq ajwi' li memil na'leb'. Ut maak'a' naxra li winq naq naxye naab'al.

Eclesiastés 7:15

Yal numelin arin sa' ruuchich'och', ut xink'e reetal chixjunil a'in: wankeb' chaab'ileb' xch'ool li neke'kamk, us ta chaab'il li xna'leb'eb'; ut wankeb' li ink'a' useb' xch'ool najt neke'wank sa' ruuchich'och', us ta k'ajo' xmaa'usilaleb'.

Eclesiastés 9:9

Wanqat rik'in li ixq nakara jo' najtil roq laayu'am k'eeb'il aawe xb'aan li Yos. Chanumsi chi us laayu'am li maak'a' na'ok wi'. Ka'ajwi' a'an naru taab'aanu, xb'aan naq q'axal kaw yookat chi xtawasinkil aawib' sa' li ruuchich'och' a'in.

Eclesiastés 10:14

Li jip k'ajo' nawulak chiru aatinak, ab'an maajun naru tixye k'aru taak'ulmanq wulaj kab'ej. K'aru chalk re sa' qab'een? Maa'ani nanawok re.