Eclesiastés 5:2 - Q'eqchi Bible

² Ma yal aaseeb'a aawib' chi aatinak malaj chi k'oxlak naq wankat chiru li Qaawa', xb'aan naq li Yos wank sa' choxa ut laa'at sa' ruuchich'och'. K'oxla chi us li k'aru ok aawe chi xyeeb'al.

Li Santil hu

² Moco yalak cꞌaꞌru ta te̱ye chi incꞌaꞌ te̱cꞌoxla chi us. Incꞌaꞌ tex-oc xyechiꞌinquil re li Dios li cꞌaꞌru incꞌaꞌ naru te̱qꞌue xban nak li Dios saꞌ choxa cuan ut la̱ex saꞌ ruchichꞌochꞌ cuanquex. Cheba̱nuhak cue̱nt re nak incꞌaꞌ tex-a̱tinak nabal.

Eclesiastés 5:2 ပူးပေါင်းရင်းမြစ်များ

San Mateo 6:7

“Ut naq textijoq, meeye k'iila aatin jo' neke'xb'aanu eb' li maak'a'eb' xpaab'aal: neke'xk'oxla naq rik'in li k'iila aatin te'ab'iiq.

Proverbios 10:19

Li k'ajo' naxye, naab'al sut namaakob'k; li naxkuy rib' chi aatinak, a'an chaab'il xna'leb'.

Isaías 55:9

Jo' naq q'axal najt wank li choxa sa' xb'een li ruuchich'och', jo'kan ajwi' linna'leb' naxq'ax ru leena'leb' ut q'axal nim link'a'uxl chiru leek'a'uxl laa'ex.

San Mateo 6:9

Jo'ka'in naq textijoq laa'ex: «At qaYuwa' li wankat sa' choxa, santob'resinb'il taxaq laak'ab'a',

Eclesiastés 5:7

Laa'at chaloq'oni ut chapaab' li Yos! Li matk'ek naxk'am chaq li k'iila aatin maak'a' na'ok wi'.

Génesis 18:27

Kixye laj Abrahán: “At inQaawa', chakuyaq inmaak. Yal pojtz'in ut chahin, ab'anan ink'a' ninxiwak chawaatinankil.

Santiago 3:2

Chiqajunilo naab'al sut nokoot'ane'k. Wi wank junaq ink'a' nat'ane'k rik'in raatin, a'an jun li winq tz'aqal re ru; taaruhanq ajwi' chi xb'eresinkil li xjunxaqalil.

Eclesiastés 5:3

Jultikaq aawe naq li ookel k'a'uxl naxk'am chaq naab'al li matk'ek, ut li ani na'aatinak chi numtajenaq, naab'al li memil na'leb' naxye.

Proverbios 20:25

Xiw xiw xyeechi'inkil junaq mayej chiru li Yos chi junpaat, ut moqon ink'a' taawaj xk'eeb'al.

Génesis 28:20

Aran laj Jakob kixyeechi'i a'in chiru li Qaawa': “Wi li Yos tinxb'eresi ut tinxkol chiru linb'eenik, wi tixk'e inwa ut li waq',

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Génesis 18:32

Jun sut chik ki'aatinak laj Abrahán: “Matpo'k, at inQaawa'. Ka'aj chik anaqwan tin'aatinaq. Ut wi lajeeb' ajwi' taataw aran, ma taasach chixjunil li tenamit?”. Kisumeek: “Ink'a' ajwi' tinsach li tenamit, sa' xk'ab'a'eb' li lajeeb'”.

Génesis 18:30

Kixye laj Abrahán: “Matpo'k, at inQaawa', wi toj tinye aawe. Mare anchal lajeeb' xka'k'aal ajwi' taataw”. Kisumeek: “Ink'a' tinb'aanu, wi teb'intaw lajeeb' xka'k'aal”.

Jueces 11:30

Laj Jefté kixyeechi'i a'in sa' jurament re li Qaawa': “Wi taaq'axtesiheb' sa' wuq' eb' laj Amón,

San Marcos 6:23

Ut kixye rik'in jurament: —Jo'ch'inal jo'nimal li taapatz' we, tink'e aawe, us ta a'an li xyiijachil li tenamit li wank rub'el linwankil.

Génesis 28:22

Li pek a'in li xinxaqab' cho'q loq'laj eetalil a'anaq rochoch li Yos; ut chixjunil li taak'e we, tintoj aawe, at Qaawa', rik'in li xlajeetqil li k'aru we”, chan laj Jakob.

Levítico 5:4

“Wi ani tixye sa' jurament naq tixb'aanu k'a'aq re ru us malaj ut ink'a' us (xkomoneb' li jurament li nab'aanumank chi ink'a' nak'oxlamank rix), chi ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Eclesiastés 10:12

Naq na'aatinak li wank xna'leb', sa neke'rab'i chixjunileb'. Ab'an li jip naxsach rib' rik'in li naxye.

Eclesiastés 10:13

Naxtikib' aatinak rik'in memil aatin, ut naraqe'k rik'in xyeeb'al li maak'a'il na'leb'.