Eclesiastés 5:17 - Q'eqchi Bible

¹⁷ ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?

Li Santil hu

¹⁷ Li ani naxnumsi lix yuꞌam chi ma̱cꞌaꞌ rajbal chanchan saꞌ kꞌojyi̱n cuan. Nabal li raylal xcꞌul ut nabal li chꞌaꞌajquilal ut yajel.

Eclesiastés 5:17 ပူးပေါင်းရင်းမြစ်များ

Salmos 127:2

Maak'a' rajb'al naq nekeseeb'a eerib' chi wakliik ut toj ewu nekexxik chi hilank, malaj neketawasi eerib' chi xsik'b'al leetzekemq: li Qaawa' naxk'eheb' xtzekemq li ramiiw us ta eb' a'an yookeb' chi wark!

Hechos 12:23

Ab'anan chi junpaat li x'ánjel li Qaawa' kixrahob'tesi laj Herodes, xb'aan naq kixmaq' cho'q re li xloq'al li Yos. Ut kikamk li awab'ej, chi lowb'il xb'aaneb' motzo'.

Salmos 102:9

Eb' li xik' neke'ilok we yookeb' chinhob'b'al chixjunil li kutan; ut eb' li nikine'roxloq'i chaq junxil, a' chik inmaa'usilankil yookeb' anaqwan.

Salmos 78:33

Jo'kan naq li Yos kirisi li xyu'ameb' rik'in yal jun apusink, kixraq li xkutaneb' rik'in raxkamk.

Li xHu LAJ JOB 21:25

Wankeb' chik neke'kamk sa' nimla rahil ch'oolej, chi maajun wa xyalomeb' li sahil wank.

2 Reyes 5:27

Li xsaqlepil laj Nahamán tixletz rib' chawix ut chirixeb' laawalal aak'ajol chi junajwa”. Ut naq laj Kejasí ki'elk chiru laj Eliseo, nujenaq chi saqlep naq koho, jo' ratz'amke xsaqsaqil.

2 Reyes 1:6

Ke'chaq'ok ut ke'xye: “Xqak'ul jun li winq sa' b'e ut xye qe: «Sutq'inqex rik'in li awab'ej li xtaqlank chaq eere ut toxeeye re: Jo'ka'in xye li Qaawa': Ma maak'a' tab'i' li Yos arin Israel naq taataqla chi patz'ok rik'in laj Bahal-Sebub, xyoseb' laj Ekrón? Jo'kan naq chiru li ch'aat sotsookat wi' tatkamq chi maak'a' xja'lenkil»”.

2 Reyes 1:2

Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.

1 Reyes 17:12

Kisumeek: “Sa' xk'ab'a' li Qaawa' laaYos, ninye aawe naq maak'a' inwa ak yiib'anb'il; yal jun mooch' aj chik ink'aj wank sa' jun uk'al ut b'a'b'ay aj chik in'aseeyt wank sa' linch'ina meet. Yookin chi xxokb'al kach'inaq insi' re xyiib'ankil li wa cho'q re linyum ut cho'q we laa'in. Tqawa' a'an, toja' naq tookamq”, chan li xmalka'an.

Génesis 3:17

Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Salmos 39:6

Yal kach'in ajwi' linkutan xak'e, jwal b'a'b'ay linyu'am chawu laa'at; jun apunk ajwi' li xyu'am chixjunileb' li poyanam.

Eclesiastés 2:23

Nujenaq li qayu'am chi rahil k'a'uxl ut ch'a'ajkilal. Chi moko chiru q'oqyink nahilank li qach'ool! A'in ajwi' maak'a' rajb'al!

Eclesiastés 2:10

Jo'nimal naxpatz' linch'ool, maak'a' xinram chiru. Maajun sut ink'a' ta xinb'aanu li k'aru xinrahi ru, xb'aan naq nintaw xsahil li waanm rik'in li nintawasi wi' wib'; ut li sahil ch'oolej a'in, a'an reeqaj li k'iila k'anjel xinb'aanu.

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Eclesiastés 7:14

Chisaho'q sa' laach'ool sa' xq'ehil li sahilal. Ab'an wi taachalq li rahilal sa' aab'een, chak'oxla naq chixjunil nachalk rik'in li Yos, ut maa'ani naxnaw li k'aru chalk re sa' xb'een.