Eclesiastés 5:10 - Q'eqchi Bible

¹⁰ Ani naxra li tumin, ink'a' nak'ojlaak xch'ool rik'in a'an. Ut li wank naab'al xb'ihomal, toj naraj naab'al xtz'aqob'. Ut chixjunil a'in maak'a' rajb'al,

Li Santil hu

¹⁰ Li ani cuan xtumin, toj naraj nabal xtzꞌakob. Ut li ani cuan nabal lix biomal, incꞌaꞌ natzꞌakloc re. Toj ta̱raj cuiꞌchic xtzꞌakob. Chixjunil aꞌin ma̱cꞌaꞌ na-oc cuiꞌ.

Eclesiastés 5:10 ပူးပေါင်းရင်းမြစ်များ

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

San Lucas 12:15

Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

San Mateo 6:19

“Meetamresi eeb'ihomal arin sa' ruuchich'och' b'arwi' li xmaxel ut li xq'olel neke'sachok re, jo'wi' eb' laj elq' neke'xte rokeb'aaleb' ut neke'elq'ak.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Salmos 52:7

Jo'kan naq li Yos tatxpitz'i, tixsach aawu chi junajwa, tatrisi sa' laawochoch jo' ajwi' sa' xna'ajeb' li yo'yookeb'.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Eclesiastés 3:19

Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Eclesiastés 6:7

Chiqajunilo naqatawasi qib' yal re naq tqataw qawa quk'a', ab'anan ink'a' nak'ojlaak li qach'ool rik'in a'an.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.

Salmos 52:1

Re li xjolomileb' laj b'ichanel. Xk'utum laj David.

Eclesiastés 1:8

Jwal ch'a'aj xch'olob'ankil naq ink'a' nak'ojlaak li qach'ool xb'aan chixjunil a'an. Maajun natawaak chi ilok, maajun natawaak chi ab'ink!

Eclesiastés 2:10

Jo'nimal naxpatz' linch'ool, maak'a' xinram chiru. Maajun sut ink'a' ta xinb'aanu li k'aru xinrahi ru, xb'aan naq nintaw xsahil li waanm rik'in li nintawasi wi' wib'; ut li sahil ch'oolej a'in, a'an reeqaj li k'iila k'anjel xinb'aanu.

Eclesiastés 5:9

Chirix chik a'an taayeemanq ajwi' aawe: “Yooko xb'aanunkil a'in re rusilankil li qatenamit. Laa'o li xtaql li awab'ej yooko chi k'anjelak chiruheb' laj ralch'och'!”, cha'qeb'.