Eclesiastés 5:1 - Q'eqchi Bible

¹ Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Li Santil hu

¹ Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.

Eclesiastés 5:1 ပူးပေါင်းရင်းမြစ်များ

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

Josué 5:15

Ut li najolomink reheb' li xk'iila ánjel li Qaawa' kixsume laj Josué: “Isi laaperxaab' chawoq xb'aan naq li na'ajej wankat wi' a'an loq'”, chan. Ut laj Josué kixb'aanu jo' kiyehe'k re.

Éxodo 3:5

Toja' naq li Qaawa' kixye: “Matjilok chaq. Isi laaperxaab' chawoq, xb'aan naq li na'ajej wankat wi' a'an santil ch'och'”.

Hebreos 10:26

Xb'aan naq ak xqanaw li yaal; ut wi nokoomaakob'k wi' chik chi yal traj qach'ool, maak'a' chik aj e li mayejak chirix li maak,

1 Corintios 11:22

Ma maak'a' eerochoch texwa'aq tex'uk'aq wi'? K'a'ut naq neketz'eqtaana li x'Iklees li Yos ut nekeraj xk'utb'al xxutaan eb' li maak'a' wank reheb'? K'aru tinye eere? Ma tinye eere naq us yookex chi xb'aanunkil? Rik'in a'an tinye naq ink'a' us yookex.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Hechos 10:33

Jo'kan naq junpaat xintaqla aasik'b'al, ut us xab'aanu naq xatchalk. Anaqwan ch'utch'uuko chiqajunilo chiru li Yos chi rab'inkil jo'ch'inal jo'nimal xattaqlaak wi' xb'aan li Qaawa'.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

2 Crónicas 26:16

Ab'anan naq kinimank li xwankil, kiq'etq'eto'k toj reetal kixsik' xrahilal: kixq'etq'eti rib' chiru li Qaawa' li xYos, xb'aan naq ki'ok sa' rochoch li Qaawa' chi k'atok k'ajpom sa' xb'een li artal.

Éxodo 30:18

“Taayiib' rik'in q'anch'iich' jun li pila, chiwanq li roq yiib'anb'ilaq ajwi' rik'in q'anch'iich': a'an taak'anjelaq re li ch'ajok. Taak'e xna'aj sa' xyanq li xMuheb'aal li ch'utam rik'in li artal, ut taak'e ha' chisa'

Li xHu LAJ JOB 11:2

Tento xsumenkil li k'iila aatin a'in. Us ta numtajenaq xaye, ink'a' naraj xyeeb'al naq xaye li yaal.

Li xHu LAJ JOB 22:12

Li Qaawa' Yos wank toj sa' xb'een li choxa, sa' xyanqeb' li najtil chahim.

Proverbios 10:19

Li k'ajo' naxye, naab'al sut namaakob'k; li naxkuy rib' chi aatinak, a'an chaab'il xna'leb'.