Eclesiastés 4:13 - Q'eqchi Bible

¹³ Q'axal us junaq al neb'a' ut wank xna'leb', chiru jun li awab'ej mama' ut maak'a' xna'leb', li ink'a' naraj nak'ehe'k xna'leb'.

Li Santil hu

¹³ Kꞌaxal us junak al toj sa̱j cuan xnaꞌleb, usta nebaꞌ, chiru junak rey ac che̱c, ma̱cꞌaꞌ xnaꞌleb ut incꞌaꞌ naraj naqꞌueheꞌ xnaꞌleb.

Eclesiastés 4:13 ပူးပေါင်းရင်းမြစ်များ

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

Proverbios 19:1

Jwal us li neb'a' ut tiik xch'ool chiru li maak'a' xna'leb' ut laj b'alaq'.

Proverbios 28:6

Jwal us li neb'a' tiik xch'ool, chiru li b'ihom aj b'alaq'.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

Génesis 37:2

Jo'ka'in naq ke'wank chaq li ralal xk'ajol laj Jakob. Wuqlaju chihab' wank re laj José ut naxk'aak'aleheb' li karneer rochb'eeneb' li ras, a'aneb' li ralal laj Jakob rik'in lix Bilhá ut xSilpá. Ab'an li saaj al naxye re li xyuwa' li ink'a' us li nayeemank chirixeb' li ras.

Eclesiastés 4:12

Naq junaq poyanam wank xjunes, moko ch'a'aj ta numtaak sa' xb'een. Ab'anan wi wiib'eb', naru te'xkuy xsumenkil sa' li yalok. Jo'kan ajwi' li k'aam li oxib' ru moko junpaat ta nat'upe'k.

Eclesiastés 7:19

Li chaab'il na'leb' q'axal chik naxk'e xkawilal li ani wank xna'leb' chiru lajeeb' chi winq li wankeb' xwankil sa' li tenamit.