Eclesiastés 4:10 - Q'eqchi Bible

¹⁰ Ut wi li jun taat'ane'q, li jun chik tixwaklesi li rochb'een. Ab'anan toq'ob' ru li wank xjunes, xb'aan naq wi taat'ane'q, maa'ani taatenq'anq re chi wakliik.

Li Santil hu

¹⁰ Cui li jun ta̱tꞌanekꞌ, li jun chic tixtenkꞌa chi cuacli̱c. Ra chokꞌ re li nacuan xjunes xban nak cui ta̱tꞌanekꞌ, ma̱ ani ta̱tenkꞌa̱nk re chi cuacli̱c.

Eclesiastés 4:10 ပူးပေါင်းရင်းမြစ်များ

1 Ts 5:11

Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

1 Ts 4:18

Chek'ojob'aq b'i' eech'ool cherib'il eerib' rik'ineb' li aatin a'in.

Gálatas 6:1

Ex was wiitz'in, wi wank junaq taat'ane'q sa' junaq maak, laa'ex li nujenaqex chi musiq'ej chetenq'a re naq tixyiib' li xyu'am; ab'an chetenq'a sa' tuulanil, ut chak'e reetal chi us laayu'am, mat-aaleek ajwi' laa'at.

1 Samuel 23:16

Sa' jun kutan laj Jonatán, ralal laj Saúl, kixchap xb'e ut koho wan wi' laj David aran Jorsa re xk'ojob'ankil xch'ool sa' xk'ab'a' li Qaawa'.

Génesis 4:8

Chirix chik a'an kixye laj Kaín re laj Abel li riitz'in: “Yo'o sa' k'aleb'aal”. Ut naq wankeb' sa' k'aleb'aal, laj Kaín kixkut rib' sa' xb'een laj Abel li riitz'in ut kixkamsi.

2 Samuel 14:6

Wankeb' wiib' inyum, ab'anan xe'xch'e' rib' sa' k'aleb'aal ut li jun xkamsi li jun chik xb'aan naq maajun xjek'ok reheb'.

2 Samuel 11:27

Ab'anan naq kinume'k xq'ehil li rahil ch'oolej, laj David kixtaqla xk'amb'al ut kixk'ul sa' rochoch; kisumlaak ut kiwank ralal rik'in. Ab'anan li k'aru kixb'aanu laj David ink'a' kiwulak chiru li Qaawa'.

Éxodo 32:21

Ut kixye re laj Aharón: “K'aru xe'xb'aanu aawe li tenamit a'in naq xak'am chaq sa' xb'eeneb' li xnimal maak a'in?”, chan.

Eclesiastés 4:9

Q'axal us naq te'k'anjelaq wiib' poyanam chiru naq taak'anjelaq junaq xjunes, xb'aan naq q'axal us wi' chik taa'elq li k'anjel chiruheb'.

Eclesiastés 4:11

Jo'kan ajwi', wi wiib' te'ok chi wark sa' jun chi ch'aat, te'xq'ixna rib'. Ab'an li taawarq xjunes, chanru naq tixq'ixna rib'?