Eclesiastés 4:1 - Q'eqchi Bible

¹ Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Li Santil hu

¹ Ut quinqꞌue ajcuiꞌ retal chixjunil li ra xi̱cꞌ li nequeꞌxba̱nu saꞌ ruchichꞌochꞌ. Eb li rahobtesinbileb yo̱queb chi ya̱bac xban li raylal nequeꞌxcꞌul. Ut ma̱ ani nacꞌojoban xchꞌo̱leb. Eb li nequeꞌrahobtesin reheb cuanqueb xcuanquil saꞌ xbe̱neb. Ut ma̱ ani natenkꞌan reheb li yo̱queb chi cꞌuluc raylal.

Eclesiastés 4:1 ပူးပေါင်းရင်းမြစ်များ

Eclesiastés 3:16

Toj wank chik k'aru xwil sa' ruuchich'och': naq ink'a' na'uxk li k'ulub'ej ut li tiikilal, ut a' chik li maa'usilal ut li lab'al nab'aanumank.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

San Mateo 26:56

Ab'an chixjunil a'in xk'ulmank re naq chitz'aqloq ru li xtz'iib'ahomeb' chaq li Propeet. Toja' naq chixjunileb' li xtzolom ke'xkanab' ut ke'elelik.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Isaías 51:23

Sa' ruq'eb' chik li xe'rahob'tesink aawe, tink'e, a'eb' li xe'yehok aawe: «B'uchub'aq eerib' chiru ch'och' re naq toonume'q sa' eeb'een». Ut laa'at xab'uchub' aawib' chiru ch'och', xatkanaak jo' jun li b'e cho'q reheb' li xe'nume'k sa' aab'een”.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Li xHu LAJ JOB 35:9

Naq q'axal kaw li xrahob'tesinkileb' li poyanam, eb' a'in neke'xjap re chi yaab'ak ut neke'xpatz' xkolb'aleb' chiruheb' li neke'numtaak sa' xb'eeneb'.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Malaquías 2:13

Ab'anan toj wank chik xkomon li nekeb'aanu: nekexyaab'ak sa' xb'een li x'artal li Yos ut neket'aqresi rik'in li xya'al leeru, nekexq'oqonk ut nekejiq' eech'ool, xb'aan naq li Qaawa' ink'a' chik naxk'ul leemayej chi sa sa' xch'ool.

Eclesiastés 7:7

Li wank xna'leb' namemob'resiik xch'ool naq nanumtaak sa' xb'eeneb' li ras riitz'in. Ut wi naxk'e rib' chi tuminaak ru, timil timil taapo'q li xna'leb'.

Proverbios 28:3

Li neb'a' li naxtawasi li rech neb'a'il, a'an chanchan li kawil hab' nasachok li awimq.

Salmos 142:4

naq yo chi lajk linmetz'ew ut nawiib'ank linch'ool. At Qaawa', laa'at nakanaw chanru linyu'am. Sa' li b'e ninnume'k wi', xe'xmuq xra'aleb' re int'anb'al.

Salmos 80:5

At qaNimajwal Yos, jo' najtil chik yooq laajosq'il sa' qab'een, sa' xb'een laatenamit li yo chi tz'aamank chawu?

Salmos 69:20

Ch'olch'o chawu chanru nikine'xse'e ut nikine'xhob'; makach'in nikine'reetz'u! Chawu laa'at wankeb' li neke'rahob'tesink we.

Li xHu LAJ JOB 16:4

Laa'in ajwi' tinruuq raj aatinak kama' laa'ex, wi ta wankex sa' linna'aj. Tinb'anb'ani raj linjolom naq yooqin chech'i'ch'i'inkil rik'in k'iila aatin.

Li xHu LAJ JOB 6:29

B'aanuhomaq usilal, tiikaq ru leech'ool ut mexraqok aatin chiwix. Yehomaq naq maak'a' inmaak.

Jueces 4:3

Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

Deuteronomio 28:48

tatk'anjelaq chiruheb' li xik' neke'ilok aawe, li tixtaqlaheb' li Qaawa' aawik'in. Tattz'okaaq ut taachaqiq aawe, maak'a'aq aab'aatal ut wanqat sa' rajb'al ru chi junajwa. Li Qaawa' tixk'e chakux jun b'itch'iich' toj reetal tat-oso'q.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Proverbios 19:7

Li neb'a' natz'eqtaanaak xb'aaneb' li rech'alal; ma toja' ta chik ink'a' taakanab'aaq xjunes xb'aaneb' li ramiiw? Us ta naxtz'aama usilal chiruheb', ab'an eb' a'an maak'a' neke'raj re.

Eclesiastés 8:9

Xink'e inch'ool chi xtawb'al ru jo'ch'inal jo'nimal nak'ulmank sa' ruuchich'och'. K'a'ut naq wankeb' winq k'eeb'ileb' xwankil chi xrahob'tesinkil eb' li ras riitz'in?

Jeremías 16:7

Maajun taak'ehoq chi tzekank chi moko chi uk'ak li xk'uluk kamk, us ta na'b'ej yuwa'b'ej li xkamk.

Lamentaciones 1:16

Jo'kan naq ninyot'e'k chi yaab'ak, nat'ululnak xya'al li wu, xb'aan naq maajun nak'ojob'ank inch'ool; maa'ani naru nak'ehok xkawub' li waanm. Q'axal ra xe'kanaak eb' li walal ink'ajol, xb'aan naq eb' li xik' neke'ilok qe xe'xq'ax qu.

Li xHu LAJ JOB 9:24

Naxkanab' li ruuchich'och' sa' ruq'eb' laj maak, ut naxtz'ap xsa'eb' ru laj raqol aatin. A' li Yos nab'aanunk re a'an.

Salmos 69:21

Q'axal nayot'e'k li waanm xb'aan naq nikine'xhob': kach'in aj chik maa ninkamk. Nawoyb'eni uxtaanaak, ab'an ink'a' nintaw; nawoyb'eni junaq aj k'ojob'anel ch'ool, ab'an maajun junaq nintaw.

Salmos 142:5

Chat-iloq chink'atq ut chak'e reetal: maajun junaq nanawok wu. Maab'ar naru tinmuq wib'; maajun junaq truuq chi kolok we.

Proverbios 29:2

Naq neke'k'ihank li tiikeb' xch'ool, nake'saho'k eb' li poyanam; ab'an naq neke'taqlank li ink'a' useb' xna'leb', ra neke'xk'ul li tenamit.

Lamentaciones 1:17

Sión naxye' eb' li ruq' chi tz'aamank, ab'an maajun nak'ojob'ank xch'ool. Xyehom li Qaawa' naq sutsuuq laj Jakob yalaq b'ar xb'aaneb' li xik' neke'ilok re, ut li tenamit Jerusalén xkanaak sa' xutaan chiruheb' a'an.

Amós 3:9

Yehomaq a'in sa'eb' li xchaq'alil ru rochocheb' laj Asdod; puktesihomaq resil sa'atqeb' li xch'ina'usal ochoch re Ejiipt: “Ch'utub'omaq eerib' sa'eb' li xtzuulul Samaria re teeril li k'iila rahilal nawank sa' li tenamit a'an ut k'ajo' li maa'usilal neke'xb'aanu aran”.

Amós 3:10

Li Qaawa' kixye chi jo'ka'in: “Eb' a'an ink'a' neke'xb'aanu li tiikilal, ut neke'xnujob'resi li rochocheb' rik'in li k'aru xe'relq'a naq xe'xrahob'tesi eb' li ras riitz'in”.