Eclesiastés 3:19 - Q'eqchi Bible

¹⁹ Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Li Santil hu

¹⁹ Relic chi ya̱l nak eb li cui̱nk ut eb li xul juntakꞌe̱t nequeꞌxcꞌul. Li xul nacam. Joꞌcaneb ajcuiꞌ eb li cristian nequeꞌcam. Junaj ajcuiꞌ li ikꞌ naxmusikꞌa li xul riqꞌuineb li cristian. Moco kꞌaxal ta us li cui̱nk chiru li xul xban nak chixjunil li cuan saꞌ ruchichꞌochꞌ ma̱cꞌaꞌ na-oc cuiꞌ.

Eclesiastés 3:19 ပူးပေါင်းရင်းမြစ်များ

Salmos 49:12

Li xjuleb' a'anaq li rochocheb' chi junajwa, a'anaq li xmuheb'aaleb' junq'e junq'e kutan, us ta sa' xk'ab'a'eb' wank li xhuhil li xch'och'eb'.

Salmos 49:20

ab'anan taaq'ajq taasutq'iiq rik'ineb' li xna' xyuwa' li maajoq'e chik te'ril li kutan saqenk.

Eclesiastés 2:16

Ink'a' patz'b'ilaq li wank xna'leb' chi moko li jip, ut xkab'ichaleb' te'kamq. Naq yooqeb' chi xik li kutan, nasachmank sa' qach'ool chixjunil.

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Salmos 104:29

Wi taamuq laawilob'aal chiruheb', q'axal te'xiwaq; wi taamaq' xmusiq'eb', te'kamq ut te'sutq'iiq wi' chik chi pojtz'il.

2 Samuel 14:14

Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

Números 16:29

Wi te'kamq eb' li winq a'in jo' naq nakamk yalaq ani, a'an reetalil naq ink'a' xinxtaqla chaq li Qaawa'.

Eclesiastés 7:2

Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

Eclesiastés 9:2

Juntaq'eet te'xk'ul chixjunileb': jo' li tiik xch'ool jo'wi' li ink'a' tiik xch'ool, jo' li chaab'il xna'leb' ut li ink'a' us xna'leb', jo' li naxpaab' li Chaq'rab' ut li ink'a' naxpaab', jo' li namayejak ut li ink'a' namayejak, jo' li saq ru xch'ool ut laj maak, jo' li naxb'aanu jurament ut li ink'a' naxb'aanu.

Eclesiastés 9:12

Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

Salmos 49:13

Li winq ink'a' nakanaak rik'in li xb'ihomal chi junelik, chanchan b'an eb' li xul li neke'kamk.

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.