Eclesiastés 3:11 - Q'eqchi Bible

¹¹ Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Li Santil hu

¹¹ Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

Eclesiastés 3:11 ပူးပေါင်းရင်းမြစ်များ

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Li xHu LAJ JOB 11:7

Ma nakak'oxla naq taataw ru li xchamal xk'a'uxl li Yos ut li xtiikilal xch'ool li Nimajwal?

Eclesiastés 8:17

Xink'e reetal naq ink'a' naru tqataw ru li k'aru naxb'aanu li Yos chi moko li nak'ulmank sa' ruuchich'och'. Us ta tqayal qaq'e chi xsik'b'al, ink'a' tqataw. Mare li wank xna'leb' tixye naq naxnaw xsumenkil li patz'om a'in, ab'anan li xyaalalil, naq maajoq'e tixtaw ru.

Li xHu LAJ JOB 5:9

A'an naxb'aanu naab'aleb' xninqal eetalil ut sachb'ach'oolej li ink'a' naru xtawb'al ru.

Génesis 1:31

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

San Marcos 7:37

Ut numtajenaq xsachikeb' xch'ool: “Xb'aanu chixjunil chi chaab'il -chankeb'-. Naxk'e chi ab'ink eb' li tz'ap xxik ut chi aatinak eb' li mem”.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Salmos 104:24

K'ajo' xk'ihal laab'aanuhom, at Qaawa'! Xab'aanu chixjunil rik'in xnimal aana'leb'; nujenaq li ruuchich'och' rik'in chixjunil laayoob'tesihom!

Eclesiastés 7:29

Ka'ajwi' li na'leb' a'in xintaw ru: naq li Yos xk'e qayu'am chi tz'aqal re ru, ab'an laa'o wank qe naq naqara'le chixjunil.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

San Mateo 13:22

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Li xHu LAJ JOB 37:23

Laa'o ink'a' nokooruuk chi wulak toj rik'in li Nimajwal, xb'aan naq nim xwankil ut xtiikilal xch'ool; ink'a' nanumtaak sa' xb'een anihaq.

Proverbios 16:4

Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Eclesiastés 7:13

K'e reetal li xb'aanuhom li Yos: maa'ani taatiikob'resinq re li k'aru xk'onob' rix A'an.

Eclesiastés 7:23

Chixjunil a'in xintz'il rix rik'in linna'leb', xb'aan naq inyehom sa' inch'ool: “Tintaw li choxahil na'leb'”, chankin. Ab'an a'an q'axal najt wank wik'in!

Eclesiastés 11:5

Laa'at ink'a' nakanaw b'ar naxik li iq', chi moko chanru nak'ub'laak li k'uula'al rik'in li xna'. Jo'kan ajwi' ink'a' nakanaw k'aru naxb'aanu li Yos, laj Winqob'resihom re choxach'och'.