Eclesiastés 3:1 - Q'eqchi Bible

¹ Ak xq'ehil xq'ehil li junjunq chi k'a'aq re ru nak'ulmank sa' ruuchich'och'. Wank xhonalil chixjunil.

Li Santil hu

¹ Cuan li ho̱nal nak nacꞌulman chixjunil li cꞌaꞌak re ru saꞌ li ruchichꞌochꞌ aꞌin.

Eclesiastés 3:1 ပူးပေါင်းရင်းမြစ်များ

Eclesiastés 3:17

Jo'kan naq xinye sa' inch'ool: “Li Yos taaraqoq aatin sa' xb'een li tiik xch'ool ut laj maak, xb'aan naq wank xq'ehil chixjunil li nak'ulmank ut li nab'aanumank”.

San Mateo 16:3

ut naq nasaqewk: «Hab'aq hoon, xb'aan naq kaqmoyink ru li choxa». Nekenaw b'i' xk'eeb'al reetal ru li choxa, ab'an ink'a' nekexruhank xtawb'al xyaalal li reetalil eb' li kutan a'in.

Eclesiastés 7:14

Chisaho'q sa' laach'ool sa' xq'ehil li sahilal. Ab'an wi taachalq li rahilal sa' aab'een, chak'oxla naq chixjunil nachalk rik'in li Yos, ut maa'ani naxnaw li k'aru chalk re sa' xb'een.

2 Reyes 5:26

Ab'an laj Eliseo kixye wi' chik re: “Ma ink'a' tab'i' aawochb'een linmusiq' naq jun li winq xkub'eek sa' li xb'eleb'aal ch'iich' re chalk chak'ulb'al? Ma xq'ehil anaqwan re k'uluk tumin ut re loq'ok aq'ej, awimq oliiw ut uub', karneer, b'ooyx ut aj k'anjeleb' winq ut ixq?

Proverbios 15:23

K'ajo' sahilal naq na'uxk aatinak sa' q'unil aatin; ut jwal us wi' chik wi na'uxk sa' xhonalil.

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

Eclesiastés 2:17

Jo'kan naq xik' chik nawil linyu'am, xb'aan naq ink'a' naxk'ul wu jo'nimal na'uxmank sa' ruuchich'och'. Chixjunil a'an, maak'a' rajb'al ut chanchan li chapok iq'.

2 Crónicas 33:12

Naq ak wank chik sa' xnimal rahil ch'oolej, laj Manasés kitijok chiru li Qaawa' li xYos ut kixkub'si chi us xwankil chiru li xYos eb' li xxe'toonil yuwa'.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Proverbios 24:27

Kawresi laak'anjel chirix kab'l ut ch'oolani laak'aleb'aal; ut moqon chik taayiib' laawochoch.

Jeremías 46:17

K'ehomaq li k'ab'a'ej a'in re laj Parahón, li awab'ej re Ejiipt: «K'ajo' naxye chi maak'a' chik rajb'al».