Eclesiastés 2:26 - Q'eqchi Bible

²⁶ Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Li Santil hu

²⁶ Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:26 ပူးပေါင်းရင်းမြစ်များ

Proverbios 13:22

Li winq chaab'il naxkanab' x'erens eb' li ralal xk'ajol; a'ut li xb'ihomal laj maak a' chik li tiik xch'ool taa'eechaninq re.

Proverbios 28:8

Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

San Juan 16:24

Chalen toj anaqwan maak'a' xetz'aama sa' ink'ab'a'. Chextz'aamanq ut texk'uluq, re naq tz'aqalaq re ru li xsahil eech'ool.

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Li xHu LAJ JOB 32:8

Ab'anan yaal ajwi' naq chixjunileb' li poyanam wankeb' xna'leb', xb'aan naq li Nimajwal Yos kixhoy li xmusiq' sa' xb'eeneb'.

Génesis 7:1

Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Li xHu LAJ JOB 38:36

Ani xk'ehok xna'leb' li xik'anel xul ib'is xk'ab'a', malaj xseeb'al xch'ool li tzo'kaxlan?

Salmos 39:6

Yal kach'in ajwi' linkutan xak'e, jwal b'a'b'ay linyu'am chawu laa'at; jun apunk ajwi' li xyu'am chixjunileb' li poyanam.

Salmos 51:6

Xinmaakob'k chawu, ka'ajwi' chawu xinmaakob'k; xinb'aanu li ink'a' nawulak chawu. Jo'kan naq tz'aqal yaal li aatin xaraq sa' inb'een, tiik aach'ool chi xyeeb'al naq wank inmaak.

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Eclesiastés 2:25

Xb'aan naq ani taawa'aq ut taa'uk'aq wi ta li Yos ink'a' nak'ehok re?