Eclesiastés 2:24 - Q'eqchi Bible

²⁴ Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Li Santil hu

²⁴ Li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li cꞌaꞌru tixcꞌanjela. Ut la̱in xinqꞌue retal nak chixjunil li cꞌaꞌru cuan ke li Dios naqꞌuehoc re.

Eclesiastés 2:24 ပူးပေါင်းရင်းမြစ်များ

Eclesiastés 3:22

Xink'e reetal naq li q'axal us cho'q re li winq, a'an xyalb'al xsahil li k'aru naxk'anjela. Maak'a' chik truuq tqab'aanu, xb'aan naq maa'ani truuq taak'amoq chaq qe chi rilb'al li k'aru taak'ulmanq chirix li qakamik.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.

1 Corintios 15:32

Wi ta yal sa' xk'ab'a'eb' li winq xinyal inq'e rik'ineb' li josq' aj xul aran Éfeso, k'a' raj ru xintaw chirix? Wi maak'a' xwaklijikeb' chi yo'yo eb' li kamenaq, “tzekanqo, uk'aqo xb'aan naq wulaj tookamq”.

Deuteronomio 12:18

Taatzeka eb' a'in naq wanqex chiru li Qaawa' laaYos, sa' li na'ajej sik'b'il ru xb'aan li Qaawa' laaYos, ut ka'ajwi' aran tattzekanq aawochb'eeneb' laawalal aak'ajol, eb' laj k'anjel chawu jo'wi' eb' laj Leví li wankeb' sa' eeyanq. Ut sahaq sa' laach'ool chiru li Qaawa' laaYos rik'in chixjunil li k'anjel xab'aanu.

Hechos 14:17

us ta maajun sut kixkanab' xk'utb'al rib' rik'in xhoyb'al chaq li rusilal sa' xb'eeneb' chixjunileb'; toj sa' choxa naxtaqla chaq li hab' ut li ru leerawimq sa' xq'ehil, ut naxk'ojob' eech'ool rik'in tzekemq ut sahil ch'oolej.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Eclesiastés 6:2

wankeb' li neke'k'ehe'k xb'ihomal ut xloq'al xb'aan li Yos. Chixjunil wank reheb' ut maak'a' namajelo'k chiruheb'; ab'anan li Yos ink'a' naxk'eheb' chi xyalb'al xsahil li xb'ihomaleb': jalan chik taayaloq xsahil. Ma ink'a' tab'i' nimla rahilal a'in ut maak'a' xyaalal?

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.

Nehemías 8:10

Laj Esdras kixye ajwi': “Ayuqex ut tzekahomaq li k'aru jwal chaab'il, uk'anqex ut taqlahomaq jun wa'alaq xtzekemqeb' li maak'a' wankeb' re. Xb'aan naq jwal loq' li kutan a'in ut q'axtesinb'il cho'q re li Qaawa' li qaYos. Miraho'k leech'ool, xb'aan naq li sahil ch'oolej li nachalk rik'in li Qaawa' a'an li xkawub' leech'ool”.

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

Eclesiastés 2:25

Xb'aan naq ani taawa'aq ut taa'uk'aq wi ta li Yos ink'a' nak'ehok re?

Eclesiastés 6:12

Ma wank tab'i' junaq nanawok re k'aru tz'aqal li us cho'q re li winq naq wank arin sa' ruuchich'och'? Li xyu'am nanume'k sa' junpaat kama' junaq mu. Maa'ani naru chi xyeeb'al qe k'aru taak'ulmanq moqon, chirix li qakamik.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

Eclesiastés 2:10

Jo'nimal naxpatz' linch'ool, maak'a' xinram chiru. Maajun sut ink'a' ta xinb'aanu li k'aru xinrahi ru, xb'aan naq nintaw xsahil li waanm rik'in li nintawasi wi' wib'; ut li sahil ch'oolej a'in, a'an reeqaj li k'iila k'anjel xinb'aanu.

Eclesiastés 5:17

ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?