Eclesiastés 2:23 - Q'eqchi Bible

²³ Nujenaq li qayu'am chi rahil k'a'uxl ut ch'a'ajkilal. Chi moko chiru q'oqyink nahilank li qach'ool! A'in ajwi' maak'a' rajb'al!

Li Santil hu

²³ Nak li cui̱nk cuan saꞌ ruchichꞌochꞌ junes raylal naxcꞌul ut junes chꞌaꞌajquilal. Incꞌaꞌ nahilan chiru kꞌojyi̱n xban li cꞌoxlac. Chixjunil aꞌin ma̱cꞌaꞌ na-oc cuiꞌ.

Eclesiastés 2:23 ပူးပေါင်းရင်းမြစ်များ

Li xHu LAJ JOB 14:1

Kach'in roq li qayu'am ut jwal nujenaq chi rahilal.

Li xHu LAJ JOB 5:7

A' li winq nab'aanunk re: jo' neke'elk chaq li ratz'um li xam, jo'kan ajwi', xb'aan li maak, nachalk li rahilal.

Salmos 127:2

Maak'a' rajb'al naq nekeseeb'a eerib' chi wakliik ut toj ewu nekexxik chi hilank, malaj neketawasi eerib' chi xsik'b'al leetzekemq: li Qaawa' naxk'eheb' xtzekemq li ramiiw us ta eb' a'an yookeb' chi wark!

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Daniel 6:18

Chirix chik a'an li awab'ej kisutq'iik sa' li rochoch ut ki'ayuunik chiru li q'oqyink: maajun li ixq kixk'ul rik'in chi moko kiwark xb'aan xk'a'uxl.

Eclesiastés 5:12

Sa nawark li ani nak'anjelak, us ta naab'al naxtzeka malaj b'a'b'ay ajwi'. Ab'anan li b'ihom ink'a' nawark chi xk'oxlankil li k'aru wank re.

Eclesiastés 1:18

Xb'aan naq ani naxsik' naab'al li xna'leb', nawank ajwi' naab'al li xch'a'ajkilal; ani numtajenaq xseeb'al li xk'a'uxl, numtajenaq ajwi' li xrahilal.

Salmos 90:15

Chak'e xsahil qach'ool anaqwan cho'q reeqaj li rahob'tesiik qak'ulum aab'aan chiru k'iila kutan, sa' xk'ab'a'eb' li chihab' naq junes rahilal xqak'ulatq chaq.

Salmos 32:4

Xb'aan naq x'aalo' laawuq' sa' inb'een chi q'eq ut chi kutan; xin'ok chi chaqik jo' naxk'ul li ch'och' sa' li saq'ehil.

Ester 6:1

Chiru li q'oqyink a'an li awab'ej ink'a' kiru chi wark; jo'kan naq kixtaqla laj tz'iib' chi xxokb'al li hu tz'iib'anb'il wi' chixjunil li ak kik'ulmank sa' li x'awab'ejihom, re naq taayaab'asimanq xsa' li hu a'an chiru.

Génesis 47:9

Kichaq'ok laj Jakob ut kixye: “Lajeeb' xwuqk'aal (130) chihab' li wokik chi b'eek laa'in yalaq b'ar. Naab'al rahilal xink'ul sa' linyu'am ut ink'a' k'iheb' linchihab' jo' li xchihab'eb' linxe'toonil yuwa' naq ke'wank sa' ruuchich'och'”.

Génesis 3:17

Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Eclesiastés 5:17

ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?

Eclesiastés 8:16

Naq xinq'axtesi wib' chi xnawb'al ut xk'eeb'al reetal li nak'ulmank sa' ruuchich'och' ut xinyal inq'e chi xtawb'al ru b'ar wank li choxahil na'leb', chi q'eq ut chi kutan ink'a' nachalk linwara.