Eclesiastés 2:22 - Q'eqchi Bible

²² Rik'in a'in nak'utunk naq maak'a' aj e naq naqatawasi qib' ut naqayal qaq'e chi k'anjelak arin sa' ruuchich'och'.

Li Santil hu

²² Riqꞌuin aꞌin nacꞌutun nak li cui̱nk ma̱cꞌaꞌ naxra nak naxcamsi rib chi cꞌanjelac saꞌ ruchichꞌochꞌ.

Eclesiastés 2:22 ပူးပေါင်းရင်းမြစ်များ

Eclesiastés 1:3

K'aru naqara chirix li tawasij ib' ut li naqayal wi' qaq'e sa' li ruuchich'och' a'in?

Salmos 127:2

Maak'a' rajb'al naq nekeseeb'a eerib' chi wakliik ut toj ewu nekexxik chi hilank, malaj neketawasi eerib' chi xsik'b'al leetzekemq: li Qaawa' naxk'eheb' xtzekemq li ramiiw us ta eb' a'an yookeb' chi wark!

1 Pedro 5:7

Q'axtesihomaq sa' ruq' li Yos chixjunil li k'a'uxl wi' eech'ool, xb'aan naq A'an na'ilok eere.

1 Timoteo 6:8

Wi wank qatzekemq ut qab'aatal, k'ojk'ooq qach'ool rik'in a'an.

Filipenses 4:6

Maak'a' k'a'aq re ru chi'ok wi' eek'a'uxl, junelik b'an cheq'axtesi sa' roq ruq' li Yos leepatz'om rik'in tijok ut tz'aamank, jo'wi' rik'in yoxink.

San Mateo 6:34

Mixik b'i' eech'ool chi k'oxlak chirix li kutan wulaj, xb'aan naq li kutan wulaj taawanq ajwi' xk'oxlankil rix. Tz'aqalaq li ch'a'ajkilal re li junjunq chi kutan.

Eclesiastés 4:6

Ab'anan q'axal us li hilank junpaataq chiru li kawil k'anjelak, xb'aan naq a'in chanchan li chapok iq'.

Eclesiastés 3:9

Xink'e reetal naq q'axal aal li iiq xk'e li Yos sa' qab'een. Ab'anan ma wank k'aru naxra li winq naq naxtawasi rib' chi k'anjelak?

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

San Mateo 6:11

Chak'e ta qe hoon li qawa re rajlal kutan,

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.

Eclesiastés 5:17

ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

San Lucas 12:29

“Jo'kan utan mixik eech'ool chi xsik'b'al k'aru teetzeka malaj k'aru teeruk', chi moko yooq leek'a'uxl chirix k'a'aq re ru.

San Lucas 12:22

Kixye li Jesus reheb' li xtzolom: “Jo'kan naq ninye eere: Mixik eech'ool chi k'oxlak chirix leeyu'am k'aru teetzeka, chi moko chirix leetz'ejwal k'aru teetiqib' wi' eerib',

San Mateo 6:25

“Jo'kan naq ninye eere: Mixik eech'ool chi k'oxlak chirix leeyu'am k'aru teetzeka, chi moko chirix leetz'ejwal k'aru teetiqib' wi' eerib'. Ma ink'a' tab'i' jwal loq' li qayu'am chiru li qatzekemq, ut li tz'ejwalej chiru li aq'ej?

Proverbios 16:26

Li wank sa' rajb'al ru, naminok ru laj k'anjel; li tz'okaak naminok ru chi k'anjelak.

1 Corintios 16:16

Nintz'aama cheru naq chexpaab'anq chiruheb', jo' ajwi' chiru chixjunileb' li neke'okenk chi k'anjelak rochb'eeneb'.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.