Eclesiastés 2:18 - Q'eqchi Bible

¹⁸ Xik' ajwi' nawil jo'ch'inal jo'nimal xintawasi wi' wib' chiru linyu'am, xb'aan naq a'an tkanaaq cho'q re li taa'ok sa' linna'aj.

Li Santil hu

¹⁸ Ut xicꞌ ajcuiꞌ quicuil li cꞌanjel li quinba̱nu saꞌ ruchichꞌochꞌ xban nak quinnau nak ta̱cana̱k chokꞌ re li ta̱oc chokꞌ cue̱kaj.

Eclesiastés 2:18 ပူးပေါင်းရင်းမြစ်များ

Salmos 49:10

re naq toj yo'yooqo ut ink'a' ta tookamq.

Salmos 39:6

Yal kach'in ajwi' linkutan xak'e, jwal b'a'b'ay linyu'am chawu laa'at; jun apunk ajwi' li xyu'am chixjunileb' li poyanam.

1 Corintios 3:10

Jo' chanru linmaatan k'eeb'il we xb'aan li Yos, laa'in xink'e li rub'elankil li kab'l, jo' chaab'il aj jolominel re li kab'lak, ut jalan chik nakab'lak sa' xb'een. Ab'an chirilaq li junjunq chanru yo chi kab'lak,

San Lucas 12:20

A'ut li Yos kixye re: «At jip, sa' ajwi' li q'oqyink a'in taamaq'e'q chawu laayu'am. Ut li k'a'aq re ru xakawresi, ani taa'eechaninq re?».

Eclesiastés 9:9

Wanqat rik'in li ixq nakara jo' najtil roq laayu'am k'eeb'il aawe xb'aan li Yos. Chanumsi chi us laayu'am li maak'a' na'ok wi'. Ka'ajwi' a'an naru taab'aanu, xb'aan naq q'axal kaw yookat chi xtawasinkil aawib' sa' li ruuchich'och' a'in.

Eclesiastés 5:18

Xink'e reetal naq li jwal us cho'q re li winq, a'an li wa'ak uk'ak, xyalb'al xsahil li xk'anjela ru jo' najtil roq li xyu'am xmaatani sa' ruq' li Yos, xb'aan naq a'in rajom li Qaawa'.

Eclesiastés 4:3

Ab'anan q'axal wi' chik us cho'q reheb' li maji' neke'yo'laak, xb'aan naq maji' rilomeb' li maa'usilal na'uxk sa' li ruuchich'och' a'in.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Eclesiastés 1:3

K'aru naqara chirix li tawasij ib' ut li naqayal wi' qaq'e sa' li ruuchich'och' a'in?

Salmos 17:14

kolin rik'in laawankil chiruheb' ut chawisiheb' sa' li ruuchich'och' a'in: che'reechaniiq taxaq ka'ajwi' li yu'am a'in! Nujob'resi li xsa'eb' rik'in li k'aru xak'uub' cho'q reheb'; che'k'ojlaaq xch'ooleb' li ralal xk'ajoleb', ut li rela' che'xkanab' reheb' li ri xmameb'.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Eclesiastés 2:21

xb'aan naq jo'ka'in li k'anjelak sa' ruuchich'och': li ani nak'anjelak rik'in chaab'il na'leb', xseeb'al xk'a'uxl ut anchal xch'ool, tento tixkanab' li k'aru wank re cho'q re jalan chik li ink'a' xtawasi rib' chi k'anjelak. A'in ajwi' moko us ta ut maak'a' rajb'al.

Eclesiastés 3:22

Xink'e reetal naq li q'axal us cho'q re li winq, a'an xyalb'al xsahil li k'aru naxk'anjela. Maak'a' chik truuq tqab'aanu, xb'aan naq maa'ani truuq taak'amoq chaq qe chi rilb'al li k'aru taak'ulmanq chirix li qakamik.