Eclesiastés 2:14 - Q'eqchi Bible

¹⁴ Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Li Santil hu

¹⁴ Li ani cuan xnaꞌleb naxnau cꞌaꞌru ta̱cha̱lk saꞌ xbe̱n. Ut li ma̱cꞌaꞌ xnaꞌleb incꞌaꞌ naxnau cꞌaꞌru ta̱cha̱lk saꞌ xbe̱n. Abanan juntakꞌe̱t tixcꞌul li cuan xnaꞌleb riqꞌuin li ma̱cꞌaꞌ xnaꞌleb.

Eclesiastés 2:14 ပူးပေါင်းရင်းမြစ်များ

Salmos 49:10

re naq toj yo'yooqo ut ink'a' ta tookamq.

Proverbios 17:24

Li seeb' xk'a'uxl junelik naxsik' xtz'aqob' li xna'leb'; a'ut li maak'a' xna'leb' ink'a' naxnaw b'ar yo chi xik.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

Eclesiastés 3:19

Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Eclesiastés 9:16

Naq xink'e reetal a'in, xinye sa' inch'ool: “Jwal us li chaab'il na'leb' chiru li metz'ew, us ta tz'eqtaananb'il li xchaab'il na'leb' li neb'a' ut ink'a' na'ab'imank li raatin”.

Eclesiastés 8:1

Maajun truuq tixjuntaq'eeta rib' rik'in li wank xna'leb'. Ani naxnaw xch'olob'ankil xyaalalil chixjunil li k'a'aq re ru? Li wank xna'leb' junelik se'se' ru na'ilok.

Eclesiastés 7:2

Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

Eclesiastés 6:6

chiru junaq winq li kiyo'yook wiib' mil chihab' ut ink'a' kixyal xsahil li k'aru wank re. Chiqajunilo junaj toxooraqe'q wi'.

Proverbios 14:8

Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.

Salmos 19:10

Li roxloq'inkil li Qaawa' loq' ut maak'a' xmuxul, xaqxo xwankil chi junelik. Chixjunil li xchaq'rab' li Qaawa' a'an tz'aqal yaal, wankeb' xloq'al ut xtiikilal,

Eclesiastés 2:16

Ink'a' patz'b'ilaq li wank xna'leb' chi moko li jip, ut xkab'ichaleb' te'kamq. Naq yooqeb' chi xik li kutan, nasachmank sa' qach'ool chixjunil.

Salmos 49:11

K'utk'u utan naq neke'kamk chixjunileb': li wankeb' xna'leb' jo'wi' eb' li jip ut li maak'a'eb' xna'leb'; ut sa' ruq' jalaneb' chik te'xkanab' li xb'ihomaleb'.

Eclesiastés 6:8

Li winq li wank xna'leb' k'aru naxq'ax wi' ru li jip? Ma ink'a' tab'i' rik'in naq naxnaw elk chi us sa' li ch'a'ajkilal junjunq?