Eclesiastés 2:13 - Q'eqchi Bible

¹³ Toja' naq xwil naq li choxahil na'leb' naxq'ax ru li jipul, jo' li saqenk naxq'ax ru li aak'ab'.

Li Santil hu

¹³ La̱in xinqꞌue retal nak kꞌaxal us li cha̱bil naꞌleb chiru li naꞌleb ma̱cꞌaꞌ na-oc cuiꞌ, joꞌ li cutan kꞌaxal us chiru li kꞌojyi̱n.

Eclesiastés 2:13 ပူးပေါင်းရင်းမြစ်များ

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

San Mateo 6:23

ab'an wi ink'a' chaab'il xsa' laawu, chixjunil laajunxaqalil taawanq sa' aak'ab'. Ut wi li saqenk li wank aawik'in a'an q'oqyink ru, k'ajo' xnimal li aak'ab'!

Eclesiastés 11:7

K'ajo' xsahil rilb'al li kutan saqenk.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Salmos 119:105

Lochlookil xam laawaatin cho'q we laa'in: a'an nakutanob'resink re linb'e.

Eclesiastés 9:18

Q'axal us li choxahil na'leb' chiruheb' li ch'iich' neke'k'anjelak re yalok; ab'anan naq naluktaak junaq poyanam, nasache'k chixjunil li chaab'ilal.

Eclesiastés 9:16

Naq xink'e reetal a'in, xinye sa' inch'ool: “Jwal us li chaab'il na'leb' chiru li metz'ew, us ta tz'eqtaananb'il li xchaab'il na'leb' li neb'a' ut ink'a' na'ab'imank li raatin”.

Eclesiastés 7:19

Li chaab'il na'leb' q'axal chik naxk'e xkawilal li ani wank xna'leb' chiru lajeeb' chi winq li wankeb' xwankil sa' li tenamit.

Proverbios 16:16

Jwal us xtawb'al li chaab'il na'leb' chiru li oor, ut li seeb'al ch'oolej chiru li plaat.

Salmos 119:130

Li xch'olob'ankil laawaatin naxkutanob'resi li qak'a'uxl ut naxk'e xna'leb' li kub'enaqeb' xwankil.

Eclesiastés 10:10

Wi naxereto'k li ch'iich' ut ink'a' nak'eemank xq'esnal, tento naq kaw chik tatyok'oq chiru. Q'axal us xb'aanunkil chixjunil sa' xyaalal ut rik'in chaab'il na'leb'.

Proverbios 14:8

Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.