Eclesiastés 2:1 - Q'eqchi Bible

¹ Xinye ajwi' sa' inch'ool: “Inyalaq xsahil li ruuchich'och' re naq sahaq li waanm”. Ab'anan xink'e reetal naq a'in maak'a' ajwi' rajb'al.

Li Santil hu

¹ Ut quinye cuiꞌchic saꞌ inchꞌo̱l: —Tinyal xba̱nunquil li cꞌaꞌak re ru re ta̱sahokꞌ saꞌ inchꞌo̱l ut tincua̱nk chi ma̱cꞌaꞌ tincꞌoxla, chanquin. Abanan xinqꞌue ajcuiꞌ retal nak aꞌan ma̱cꞌaꞌ na-oc cuiꞌ.

Eclesiastés 2:1 ပူးပေါင်းရင်းမြစ်များ

San Lucas 12:19

Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.

Santiago 5:5

Sa naq kexwank sa' ruuchich'och' chi xb'aanunkil li jo'maajo'il na'leb': kech'oolani eerib' chi us cho'q re xkutankil li xnimal kamsink!

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

Salmos 27:8

“Chasik' xnaq' ru”, chan we linch'ool. Relik chi yaal, a' li xnaq' aawu ninsik', at Qaawa'; maamuq chiwu li xnaq' aawu!

Santiago 4:13

Anaqwan k'ehomaq reetal laa'ex li nekeye: “Hoon malaj wulaj tooxik sa' li tenamit a'an; aran toowanq jun chihab'aq, tooyakoq ut too'eechaninq chaq”,

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Isaías 50:11

Ab'anan laa'ex li nekexlochok xam ut neketz'ab' li ru xam, tex'oso'q chejunilex sa' raq' leexam ut sa' ru xam li xetz'ab'. Laa'in tinb'aanunq re chixjunil a'an: jiljooqex sa' rahilal.

Isaías 50:5

Li Qaawa' xtehok re linxik, ut laa'in ink'a' xinq'etq'eti wib' chiru chi moko xch'inank linch'ool.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Eclesiastés 7:4

Sa' rochochil li rahil ch'oolej, aran natawmank li winq wank xna'leb'; ut sa' li na'ajej yo wi' li ninq'e, aran wank li maak'a' xna'leb'.

Eclesiastés 2:15

Jo'kan naq xinye sa' inch'ool: “Li k'aru toxraqe'q wi' li ani maak'a' xna'leb' juntaq'eet ajwi' rik'in li tink'ul laa'in. Jo'kan naq maak'a' aj e naq wank inna'leb'. Relik chi yaal naq maak'a' rajb'al chixjunil a'in!”, chankin sa' inch'ool.

Salmos 14:1

Re li xjolomileb' laj b'ichanel. Xsaalm laj David. Eb' li jip neke'xk'oxla naq maak'a' li Yos. Sachenaqeb', oso'jenaqeb' sa'eb' li xyib' aj na'leb', maajun reheb' nab'aanunk li us.

Salmos 10:6

Ut naxye sa' xch'ool: “Ink'a' tintichk'oq, maajoq'e tintaw ch'a'ajkilal”, chan.

2 Reyes 5:5

Ut li awab'ej re Aram kixsume: “Ayu, ut laa'in tintaqla junaq hu rik'in li awab'ej re Israel”, chan. Toja' naq koho laj Nahamán ut kixk'am lajeeb' xka'k'aal mil chi tumin plaat, waqib' mil chi tumin oor ut lajeeb' ak' aq'ej.

Génesis 11:7

Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

San Lucas 16:23

“Ut sa' li xb'alb'a, naq yo chi xk'ulb'al xnimal li rahilal, kixtaqsi li rilob'aal ut kiril ru laj Abrahán chi najt, ut laj Lázaro wank chi xk'atq.

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Proverbios 14:13

Wan naq sa' li se'ek namuqmank li rahil ch'oolej; ut li sahil ch'oolej, yaab'ak nokoxraqe'q wi'.

Eclesiastés 2:10

Jo'nimal naxpatz' linch'ool, maak'a' xinram chiru. Maajun sut ink'a' ta xinb'aanu li k'aru xinrahi ru, xb'aan naq nintaw xsahil li waanm rik'in li nintawasi wi' wib'; ut li sahil ch'oolej a'in, a'an reeqaj li k'iila k'anjel xinb'aanu.

Eclesiastés 2:25

Xb'aan naq ani taawa'aq ut taa'uk'aq wi ta li Yos ink'a' nak'ehok re?