Eclesiastés 12:5 - Q'eqchi Bible

⁵ Ut laa'at tatxiwaq chi wank sa' jun li na'ajej najt xteram, ut yooq aaxiw naq tatb'eeq. Naq taachalq li kutan a'an, taa'atz'umaq li almeendr, laj saak tixkelo rib' xb'aan xcheekal, ut maak'a' chik xk'anjel li sahil q'een. Xb'aan naq yookat chi xik sa' li na'ajej tatkanaaq wi' chi junelik. K'e reetal, sa' li b'e ak yo chi ab'iik xyaab'eb' li neke'huyhutk chi yaab'ak xb'aan laakamik.

Li Santil hu

⁵ Tatxucuak chi cubec saꞌ junak naꞌajej najt xteram. Yo̱k a̱xiu nak tatbe̱k ut sakak chic la̱ cuismal, chanchanak xsakal li ratzꞌum li almendro. Incꞌaꞌ chic ta̱cuy xban nak ti̱xakat chic chi us. Incꞌaꞌ chic tatcuaꞌak ut ma̱cꞌaꞌ chic ta̱ra ru. Chi se̱b tatca̱mk ut tatxic chi hila̱nc saꞌ la̱ naꞌaj chi junaj cua. Ut nak eb laj mukunel yo̱keb chi xic cha̱mukbal, yo̱keb chi ya̱bac xban nak ac xatcam.

Eclesiastés 12:5 ပူးပေါင်းရင်းမြစ်များ

Li xHu LAJ JOB 17:13

Li k'aru nawoyb'eni laa'in, a'an li xik sa' xna'ajeb' li kamenaq ut hilank sa' li q'oqyinkil taq'a.

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Proverbios 16:31

Wi saq rismal laajolom, a'an reetalil laaloq'al li xamaatani sa' xk'ab'a' li xtiikilal laach'ool.

Salmos 71:18

Ut anaqwan naq xin'ok chi tixk ut saqeb' chik li wismal, minaakanab' injunes, at inNa' at inYuwa', re naq toj tinpuktesi resil li xnimal aawankil reheb' li tenamit toj chaalel.

Li xHu LAJ JOB 15:10

Cheeko laa'o ut saq li qismal; jwal nim chik li qana'leb' chiru xna'leb' laayuwa'.

Levítico 19:32

“Chatxaqliiq re xk'eeb'al xloq'al eb' li cheekel poyanam. Chaxiwa ru laaYos. Laa'in li Qaawa'.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Jeremías 1:11

Moqon chik li Qaawa' kinraatina chi jo'ka'in: “K'aru yookat chi rilb'al, a Jeremías?”. Kinchaq'ok ut kinye: “Yookin chi rilb'al jun ruq' li che' almeendr, a' li «che' re yo'lenk» nayeemank re”.

Isaías 46:4

Toj sa' leetiixilal laa'inaq ajwi' leeYos; naq ak saqaq aj chik leejolom, texinch'oolani ajwi'. Laa'in kinyoob'tesink eere, ut toj texwil; texinb'eresi laa'in ut texinkol.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Proverbios 20:29

Li xloq'aleb' li saaj poyanam a'an li xkawilaleb'; li xkorooneb' li ak cheekeb' a'an li xchaab'il yu'ameb'.

Génesis 44:29

Ut wi anaqwan teemaq' ajwi' a'in chiwu ut tixk'ul junaq rahilal, eemaak laa'ex naq tinkub'eeq sa' xna'ajeb' li kamenaq chi ra sa' inch'ool sa' lintiixilal».

Génesis 42:38

Kichaq'ok laj Jakob ut kixye: “Ink'a' taaxik li walal cherix, xb'aan naq kamenaq chik li ras ut ka'aj chik a'in xkanaak. Mare k'aru tixk'ul sa' b'e naq yooqex chi xik, ut chi jo'kan tineetaqla sa' xna'ajeb' li kamenaq chi ra sa' inch'ool sa' lintiixilal”.

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.