Eclesiastés 12:3 - Q'eqchi Bible

³ Taawulaq xq'ehil naq siksootqeb' laj k'aak'alenel, te'chalq xxiweb' li kaweb' rib', te'xkanab' li xk'anjeleb' laj ke'nel xb'aan naq moko k'iheb' ta chik, ut eb' li neke'ilok sa' b'entaan ink'a' chik te'ruhanq chi ilok.

Li Santil hu

³ Ta̱cuulak xkꞌehil nak chixjunileb sicsotkeb xbaneb xti̱xil, ut eb li cui̱nk li cauheb rib, cꞌutzcꞌu̱keb aj chic rixeb. Ut ma̱cꞌaꞌak chic ruch reheb xban nak ac ti̱xeb chic. Ut eb li nequeꞌiloc saꞌ ventana incꞌaꞌ chic teꞌru̱k teꞌilok xban nak ac xmoy li xnakꞌ ruheb.

Eclesiastés 12:3 ပူးပေါင်းရင်းမြစ်များ

Salmos 102:23

naq te'xjunaji rib' chixjunileb' li tenamit ut eb' li awab'ej te'k'anjelaq chiru li Yos.

Zacarías 8:4

“Jo'ka'in naxye li Nimajwal Yos: Toj te'hilanq wi' chik eb' li tiixil winq ut tiixil ixq sa' xyi li tenamit Jerusalén; li junjunq wanq li xxuq' sa' ruq'eb', jo' xk'ulub'eb' xb'aan naq tiixeb' chik chi us.

1 Samuel 3:2

Sa' jun li q'oqyink yokyo laj Elí sa' li xna'aj. Ak yo chi moyk xsa' li ru ut ink'a' chik sa na'ilok.

Génesis 27:1

Ak tiix chik laj Isahak ut ink'a' chik na'ilok xb'aan naq yo chi moyk xsa' li ru. Toja' naq kixb'oq laj Esaú li xb'een ralal: “At walal”, chan re. Ut a'an kichaq'ok: “We'kin”.

Salmos 35:14

Ninxik ninchalk chi lumluukin, chi ra sa' inch'ool. K'ajo' naq xyot'e'k li waanm kama' wi' xkamk linna', li was, malaj junaq wamiiw.

Salmos 38:6

Linxox yo chi pojenk ut x'ok chi chuho'k: xmaak'a'il inna'leb' naq yookin chi xk'ulb'al a'an;