Eclesiastés 12:13 - Q'eqchi Bible

¹³ Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Li Santil hu

¹³ Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Eclesiastés 12:13 ပူးပေါင်းရင်းမြစ်များ

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

Salmos 145:19

A'an naxb'aanu li k'aru neke'raj eb' li neke'paab'ank re; narab'i li xyaab' xkuxeb' ut naxkoleb'.

Eclesiastés 8:12

Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

San Lucas 1:50

Li ruxtaan junelik wank sa' xb'eeneb' li neke'xiwank re.

Proverbios 19:23

Li roxloq'inkil li Qaawa' nak'ehok yu'am; chi jo'kan sa li hilank ut maak'a' xiwak.

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Salmos 147:11

naxraheb' b'an li neke'paab'ank re, eb' li k'ojk'ookeb' xch'ool rik'in li xrahom.

Eclesiastés 5:7

Laa'at chaloq'oni ut chapaab' li Yos! Li matk'ek naxk'am chaq li k'iila aatin maak'a' na'ok wi'.

Apocalipsis 19:5

Ut ki'elk jun xyaab' kuxej sa' li nimajwal k'ojarib'aal, kixye: “Chenima ru li qaYos chejunilex laj k'anjel chiru, jo'k'ihal li nekexpaab'ank re, jo' kok' jo' ninq”.

1 Pedro 2:17

Cheroxloq'i chixjunileb', cherahaq leeras eeriitz'in, chexiwa ru li Yos ut cheroxloq'i li awab'ej.

Proverbios 23:17

Maarahi li xna'leb'eb' laj maak, chaxiwaaq b'an ru li Qaawa'.

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Eclesiastés 6:12

Ma wank tab'i' junaq nanawok re k'aru tz'aqal li us cho'q re li winq naq wank arin sa' ruuchich'och'? Li xyu'am nanume'k sa' junpaat kama' junaq mu. Maa'ani naru chi xyeeb'al qe k'aru taak'ulmanq moqon, chirix li qakamik.

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

1 Samuel 12:24

Chexiwa ru li Qaawa' ut k'ehomaq eech'ool chi k'anjelak chiru chi yaal, xb'aan naq ak eerilom li sachb'ach'oolej li xb'aanu sa' eeyanq.

Eclesiastés 3:14

Ninnaw ajwi' naq chixjunil li naxb'aanu li Yos, wanq chi junelik. Maak'a' tiqe'k chi moko jeb'e'k naraj. Li Yos xb'aanu chixjunil chi jo'kan, re naq taaqoxloq'i li xnimal xwankil.

Eclesiastés 7:18

Wanqat sa' xyi li b'e. Chawoxloq'i li Yos; chi jo'kan us tat-elq sa' chixjunil laak'anjel.

Eclesiastés 8:5

Li naxpaab' li xtaqlahom, maak'a' li ink'a' us tixk'ul; ut li wank xna'leb' naxnaw jo'q'e ut chanru tixpaab' li chaq'rab'inb'il wi'.

Deuteronomio 4:10

“Laa'ex kexwank chiru li Qaawa' leeYos chi xtoon li tzuul Horeb ut aran li Qaawa' kixye we: «Ch'utub'eb' chiwu li tenamit re naq te'rab'i li waatin ut tine'xpaab' naq toj wanqeb' sa' li ruuchich'och' a'in, ut te'xk'ut ajwi' li aatin a'in chiruheb' li ralal xk'ajoleb'».

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

1 Reyes 2:3

Chapaab' li xtaqlahom li Qaawa' laaYos. Chapaab' li raatin, li xq'usum, li xtijleb' ut li xchaq'rab' xtz'iib'ahom laj Moisés, re naq us tat-elq sa' chixjunil li taab'aanu yalaq b'ar tatxik.