Eclesiastés 12:1 - Q'eqchi Bible

¹ Chijultiko'q aawe laj Yoob'tesihom aawe anaqwan naq toj saajat ut maji' neke'chalk li ink'a' usil kutan. Chalk re li kutan taaye wi': “Maak'a' xsahil linyu'am”, cha'qat.

Li Santil hu

¹ Nak toj cuancat saꞌ la̱ sa̱jilal, chijulticokꞌ a̱cue li Dios li quiyoꞌobtesin a̱cue. Chijulticokꞌ a̱cue li Dios nak toj ma̱jiꞌ nacuulac li cutan nak cuan nabal li chꞌaꞌajquilal ut nak ma̱jiꞌ nacuulac li chihab nak ta̱ye: —Ma̱cꞌaꞌ chic nasahoꞌ cuiꞌ inchꞌo̱l.—

Eclesiastés 12:1 ပူးပေါင်းရင်းမြစ်များ

Lamentaciones 3:27

Jwal us cho'q re li winq xkub'sinkil rib' chalen chaq sa' xsaajilal.

Eclesiastés 11:8

Ab'anan us ta najtaq roq li qayu'am ut sahaq qach'ool chiruheb' li chihab' a'in, tento xjultikankil naq taachalq li aak'ab' sa' qab'een, ut naab'alaqeb' li aak'ab'il kutan. Ut chixjunil li chalk re sa' qab'een, maak'a' rajb'al.

Proverbios 22:6

K'e xna'leb'eb' li kok' poyanam naq toj saajeb'; ut naq toxe'tixq, ink'a' taasachq sa' xch'ooleb'.

San Lucas 18:16

A'ut li Jesus kixb'oqeb' ut kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

Salmos 34:11

Eb' li b'ihom neke'kanaak sa' neb'a'il ut sa' we'ej, ab'an eb' li neke'xsik' li Qaawa' maak'a' taamajelo'q reheb'.

2 Timoteo 3:15

Jo'kan ajwi' jultikaq aawe naq chalen chaq sa' laakach'inal nakanaw xsa' li Santil Hu. A'an wank xwankil re xk'eeb'al aana'leb' li nak'amok sa' li kolb'a ib' sa' xk'ab'a' xpaab'ankil li Kristo Jesus.

Salmos 90:10

Ka'aj chik lajeetq kaak'aal chihab' li qayu'am, malaj kaak'aal chihab', wi toj kawo; ab'an junes rahilal ut xtawasinkil qib' naqak'ul: sa' junpaat neke'nume'k ut laa'o nokoo'oso'k.

Eclesiastés 11:10

Najtob'resihomaq eerib' rik'in li ookel k'a'uxl ut isihomaq li rahilal sa' leech'ool, xb'aan naq eb' li sahil kutan sa' leesaajilal te'raqe'q sa' junpaat chi maak'a' rajb'al.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

2 Samuel 19:35

Kaak'aal chihab' wank we ut laamoos ink'a' chik nareek'a xsahil li k'aru naxtzeka ut naruk', k'aru wank xsahil ut k'aru ink'a'. Chi moko saqenk ta chik nawab'i li xyaab' xkuxeb' li winq ut li ixq aj b'ichaneleb'. K'a'ut naq tink'e iiq sa' aab'een laa'at li awab'ej, aj eechal we?

1 Samuel 2:26

Naq yo chi k'ulmank a'in, laj Samuel li ch'ina'al yo chi k'iik, raaro xb'aan li Qaawa' ut xb'aaneb' li tenamit.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

San Lucas 1:15

xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Génesis 39:23

Li xb'eenil aj k'aak'alenel tz'alam tik ink'a' nak'oxlak chirix li k'aru q'axtesinb'il sa' ruq' laj José, xb'aan naq li Qaawa' wank rik'in ut natenq'ank re chi elk chi chaab'il rik'in chixjunil li nalajxb'aanu.

Efesios 6:4

Ex yuwa'b'ej, meeyoob' xjosq'il eb' leeralal eek'ajol, chek'iiresiheb' b'an rik'in xtzolb'aleb' ut xtijb'aleb' jo' naraj li Qaawa'.

Daniel 1:17

Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Isaías 26:8

Rik'in xpaab'ankil laachaq'rab', at Qaawa', kaw qach'ool chawoyb'eninkil; li k'aru naxrahi li qaanm a'an laaraab'al ut aajultikankil.

1 Samuel 2:18

Laj Samuel li ch'ina'al wan chaq chi k'anjelak chiru li Qaawa', tiqto rik'in efod yiib'anb'il rik'in liin.

1 Reyes 18:12

Naq tin'elq chawu, li xmusiq' li Qaawa' tatxk'am sa' junaq na'ajej li ink'a' ninnaw laa'in. Ut naq akaq xo'inye re laj Ajab naq wankat arin, taachalq li awab'ej chasik'b'al; ab'anan ink'a' tatxtaw, jo'kan naq tinxkamsi. Laa'in ninpaab'ank chiru li Qaawa' chalen chaq sa' insaajilal.

1 Samuel 1:28

Jo'kan naq anaqwan tinq'axtesi re li Qaawa' chiru chixjunil li xyu'am. Rehaq li Qaawa' jo' najtil yo'yooq”. Toja' naq laj Elí kixhupub' rib' ut kixloq'oni ru li Qaawa'.

Oseas 7:9

Jalaneb' xtenamit yookeb' chi tawasink reheb' chi ink'a' neke'xk'e reetal a'an. K'ajo' naq xe'saqo'k li rismaleb' xjolom chi ink'a' neke'xnaw!

Li xHu LAJ JOB 30:2

Maak'a' raj x'ok wi' we li xk'anjeleb', xb'aan naq moko kaweb' ta rib',

1 Reyes 14:13

Chixjunileb' laj Israel te'yaab'aq chirix ut te'xmuq, xb'aan naq ka'ajwi' a'an taamuqe'q sa' xyanqeb' li ralal xk'ajol laj Jerobohán. Ka'ajwi' rik'in li k'uula'al a'an wank b'ayaq usilal li nawulak chiru li Qaawa', xYos laj Israel.

Deuteronomio 8:18

“Chijultiko'q aawe li Qaawa' laaYos: a'an li xk'ehok aakawilal chi xtamresinkil li b'ihomal. Ut xb'aanu chi jo'kan re xpaab'ankil li Sumwank li kixyeechi'i sa' jurament reheb' laana' laayuwa'.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.

Salmos 63:6

Taak'ojlaaq li waanm jo' junaq li xtzekank chi chaab'il. Chi sa sa' inch'ool tinterq'usi laak'ab'a' rik'in xtz'uumal we.

Salmos 119:55

At Qaawa', chiru li q'oqyink nakatjultiko'k we; twaj tinpaab' laawaatin.

Eclesiastés 11:2

Chawotz li k'aru wank aawe rik'in wuqub' malaj waqxaqib' laawamiiw, xb'aan naq ink'a' nakanaw jo'q'e taachalq rahilal sa' xb'een li tenamit.

2 Samuel 19:36

Ka'ajwi' twaj aawochb'eeninkil b'ayaq chik junpak'al li nima'. Jo'kan naq moko ink'ulub' ta naq tinaaq'ajkamu chi kama' a'an.