Eclesiastés 11:5 - Q'eqchi Bible

⁵ Laa'at ink'a' nakanaw b'ar naxik li iq', chi moko chanru nak'ub'laak li k'uula'al rik'in li xna'. Jo'kan ajwi' ink'a' nakanaw k'aru naxb'aanu li Yos, laj Winqob'resihom re choxach'och'.

Li Santil hu

⁵ La̱at incꞌaꞌ nacanau bar naxic li ikꞌ. Ut incꞌaꞌ ajcuiꞌ nacanau chanru nak naqꞌui li cꞌulaꞌal li toj ma̱jiꞌ nayoꞌla. Joꞌcan ajcuiꞌ nak incꞌaꞌ nacanau cꞌaꞌru naxba̱nu li Dios li quiyi̱ban re chixjunil li cꞌaꞌak re ru.

Eclesiastés 11:5 ပူးပေါင်းရင်းမြစ်များ

San Juan 3:8

Li iq' yalaq b'ar na'apunk ut nakawab'i li xyaab', ab'an ink'a' nakanaw b'ar ta nachalk ut b'ar ta naxik. Jo'kaneb' ajwi' li yo'lajenaqeb' rik'in Musiq'ej.

Salmos 92:5

At Qaawa', laa'at xak'ojob' linch'ool rik'in laab'aanuhom; k'ajo' naq nasaho'k li waanm chi rilb'al chixjunil li xab'aanu.

Eclesiastés 8:17

Xink'e reetal naq ink'a' naru tqataw ru li k'aru naxb'aanu li Yos chi moko li nak'ulmank sa' ruuchich'och'. Us ta tqayal qaq'e chi xsik'b'al, ink'a' tqataw. Mare li wank xna'leb' tixye naq naxnaw xsumenkil li patz'om a'in, ab'anan li xyaalalil, naq maajoq'e tixtaw ru.

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Isaías 40:28

Ma ink'a' nakanaw laa'at? Ma ink'a' aawab'ihom resil? Li Qaawa' a'an li Yos wank chi junelik; A'an kixaqab'ank re li xnub'ajlil li ruuchich'och'. Ink'a' nalub'k chi moko natawaak, ut maajun natz'ilok rix li xseeb'al xk'a'uxl.

Salmos 104:24

K'ajo' xk'ihal laab'aanuhom, at Qaawa'! Xab'aanu chixjunil rik'in xnimal aana'leb'; nujenaq li ruuchich'och' rik'in chixjunil laayoob'tesihom!

Eclesiastés 7:24

Najt ut cham wank chixjunil li k'a'aq re ru: ani taatawoq re?

Salmos 40:5

Us xaq re li xkawuuk xch'ool rik'in li Yos, us xaq re li ink'a' naxjunaji rib' rik'ineb' li q'etq'et, a'eb' li sachenaqeb' chirixeb' li jalanil yos.

Li xHu LAJ JOB 38:4

B'ar wankat naq kink'ojob' li ruuchich'och'? Ye we, wi relik chi yaal nakanaw li yaal.

Li xHu LAJ JOB 37:23

Laa'o ink'a' nokooruuk chi wulak toj rik'in li Nimajwal, xb'aan naq nim xwankil ut xtiikilal xch'ool; ink'a' nanumtaak sa' xb'een anihaq.

Li xHu LAJ JOB 5:9

A'an naxb'aanu naab'aleb' xninqal eetalil ut sachb'ach'oolej li ink'a' naru xtawb'al ru.

Eclesiastés 1:6

Wan naq li iq' na'apunk sa' xjayal xsak'leb' iq', ut wan naq na'apunk chik sa' releb'l iq'. Naxsutis rib' li iq', ut naxik wi' chik sa' li na'ajej x'apunk wi' xb'enwa.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Eclesiastés 3:11

Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Eclesiastés 11:4

Li ani yo xk'a'uxl chirix li iq', ink'a' taa'awq, ut li naka'yank choql, ink'a' taaq'oloq.