Eclesiastés 10:19 - Q'eqchi Bible

¹⁹ Li wa'ak ut li uk'ak neke'k'ehok sahil ch'oolej; ut li tumin naxk'uub' chixjunil.

Li Santil hu

¹⁹ Li ninkꞌe naqꞌuehoc sahil chꞌo̱lej. Ut li vino naxqꞌue ajcuiꞌ xsahil xchꞌo̱leb li cuanqueb saꞌ ruchichꞌochꞌ. Abanan li tumin, aꞌan li naxba̱nu chixjunil aꞌin.

Eclesiastés 10:19 ပူးပေါင်းရင်းမြစ်များ

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

San Lucas 12:19

Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

Isaías 24:11

Neke'yaab'ak li poyanam sa'atqeb' li b'e xb'aan xmajelal li b'iin; x'oso'k chixjunil li sahil ch'oolej ut xraqe'k li sahil wank sa' ruuchich'och'.

Salmos 112:9

Nasihink chi yo'oon reheb' li neb'a', ut li xchaab'ilal xch'ool wank chi junelik. Tixtaqsi li rilob'aal chi wanq xloq'al.

Hechos 11:29

Toja' naq eb' laj paab'anel ke'xk'uub', a' yaal jo'nimal wank re li junjunq, xtaqlankil xtenq'ankileb' laj paab'anel li wankeb' Judea.

Hechos 2:45

Neke'xk'ayi li xjunkab'laleb' jo'wi' li k'aru wank reheb', ut neke'xjek'i li xtz'aq reheb' chixjunil, a' yaal chanru li rajb'al ru wan wi' li junjunq.

San Lucas 16:9

“Ut laa'in ninye eere: Chesik'aq eeramiiw rik'in li maa'us aj tumin re naq, jo'q'e toxmajelo'q cheru, texk'ule'q xb'aaneb' a'an sa'eb' li muheb'aal li maajaruj te'lajq te'oso'q.

San Lucas 8:3

lix Jwana, rixaqil laj Kusa aj tenq' re laj Herodes, lix Susana ut naab'aleb' chik li neke'tenq'ank reheb' sa' li xjunkab'laleb'.

San Mateo 19:21

Kichaq'ok li Jesus ut kixye: —Wi taawaj naq tz'aqalaq aawe aawu, ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

San Mateo 17:27

Ab'anan, re naq ink'a' taaluktaaq xch'ooleb' qab'aan, ayu sa' palaw, kut li luchb'aq, ut li kar li taa'elq xb'enwa, chap, te li re ut aran taataw jun tumin: xok ut k'e reheb' cho'q qatoj.

Isaías 23:18

Ab'an li tumin li tixtaw, taaq'axtesimanq re li Qaawa'. Ink'a' chik taak'uulaaq, taak'eemanq b'an cho'q reheb' laj k'anjel chiru li Qaawa', re naq te'tzekanq chi us ut te'xtiqib' rib' rik'in chaab'il aq'ej.

Nehemías 5:8

ut kinye reheb': “Laa'o, jo' chanru xk'e rib' chiqu, xqisiheb' li qech tenamitul rub'el xwankileb' laj ab'l tenamit. Ut anaqwan laa'ex xek'ayeb' chik leeras eeriitz'in re naq laa'o tooloq'oq reheb'!”. Naq ke'rab'i a'in, ch'anch'o ke'kanaak chi ink'a' chik ke'xtaw k'aru ke'xye.

Esdras 1:6

Ut chixjunileb' li rechkab'al ke'okenk chi xtenq'ankileb' rik'in plaat ut oor, sahil eechej ut ketomq, jo' ajwi' rik'in naab'al li k'a'aq re ru jwal terto xtz'aq ut chixjunil li ki'alaak sa' xch'ooleb' xk'eeb'al reheb'.

1 Crónicas 21:24

Ab'an li awab'ej David kixsume: “Ninb'anyoxi aawe, ab'an twaj tinloq' chixjunil chi tz'aqal xtz'aq. Ink'a' nawaj xyeechi'inkil re li Qaawa' li k'aru aawe, chi moko tinmayeja li ink'a' ta tintoj”.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

1 Samuel 25:36

Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

Jueces 9:13

Kichaq'ok li xtoonal li uub': «Ma tinkanab' tab'i' xk'eeb'al li b'iin li nak'ehok xsahilal xch'ooleb' li yos ut eb' li winq, re naq tinxik chi xb'eeninkil wib' sa' xb'eeneb' li che'?», chan.

Génesis 43:34

Laj José kixtaqla xjek'inkil cho'q reheb' li tzekemq wank sa' meex, ab'an li kitz'aqk laj Benjamín a'an oob' wa chik xk'ihal chiru xtzekemqeb' li ras. Ke'uk'ak chi us ut k'ajo' naq ke'saho'k sa' xch'ool chixjunileb' rochb'een a'an.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

Jueces 14:10

Li xyuwa' koho sa' rochoch li ixq ut aran laj Sansón kixb'aanu jun ninq'e jo' k'aynaqeb' xb'aanunkil li saaj winq.

Ester 1:10

Sa' xwuq li kutan naq li awab'ej yo xkalajik, kixtaqla xb'oqb'al laj Mehumán, laj Bisetá, laj Jarboná, laj Biktá, laj Abaktá, laj Setar ut laj Karkás, eb' li wuqub' chi winq li wankeb' chi k'anjelak sa' rochoch laj Asuero.