Eclesiastés 10:16 - Q'eqchi Bible

¹⁶ Toq'ob' ru li tenamit wank x'awab'ej toj saaj, jo'wi' junes ninq'ehik neke'xk'oxla li wankeb' xwankil aran.

Li Santil hu

¹⁶ Tokꞌob ru li tenamit li cuan xrey toj sa̱j, xban nak toj ma̱cꞌaꞌ xnaꞌleb. Ut li nequeꞌtenkꞌan re li rey junes ninkꞌei̱c nequeꞌxcꞌoxla.

Eclesiastés 10:16 ပူးပေါင်းရင်းမြစ်များ

Isaías 3:12

Jun saaj al yo chi rahob'tesink re lintenamit, ut ixqeb' li neke'numtaak sa' xb'een. Ex intenamit, eb' laj k'amol eeb'e yookeb' cheb'alaq'inkil ut chi xk'amb'al eeb'e chi xb'aanunkil li ink'a' us.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

2 Crónicas 13:7

Ut rik'in laj Jerobohán ke'xch'utub' rib' naab'aleb' li ink'a' useb' xna'leb' ut aj q'emeb', li ke'numtaak sa' xb'een laj Robohán, ralal laj Salomón, xb'aan naq toj saaj ut q'un xch'ool chi taqlank; jo'kan naq ink'a' kiruuk chi xkolb'al rib' chiruheb'.

2 Crónicas 36:9

Waqxaqlaju chihab' wank re laj Johakín naq ki'ok cho'q awab'ej, ut oxib' po rik'in lajeeb' kutan ki'awab'ejink aran Jerusalén. Ab'an kixb'aanu li ink'a' nawulak chiru li Qaawa'.

2 Crónicas 36:5

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. Ab'an kixb'aanu li ink'a' nawulak chiru li Qaawa' li xYos.

2 Crónicas 36:2

Oxib' xka'k'aal chihab' wank re laj Johakás naq ki'ok cho'q awab'ej, ut oxib' po ajwi' kitaqlank sa' xb'een Jerusalén.

2 Crónicas 36:11

Jun xka'k'aal chihab' wank re laj Sedesías naq ki'ok cho'q awab'ej, ut junlaju chihab' kitaqlank sa' xb'een Jerusalén.

Proverbios 28:16

Naq na'awab'ejink li ink'a' us xna'leb', nanumtaak li rahilal; ab'an li awab'ej li ink'a' narataw ru li b'ihomal, taanajto'q roq li xyu'am.

Eclesiastés 10:15

Maak'a' rajb'al naq li jip tixtawasi rib' chi k'anjelak, xb'aan naq chi moko naxnaw li b'e naxik sa' li tenamit.

1 Reyes 12:11

Wi linyuwa' kaw xmin eeru chi k'anjelak, laa'in jwal kaw wi' chik texink'e chi k'anjelak, ut wi a'an xexsak' chi yal tz'uum, laa'in texinsak' rik'in tz'uum wank ch'iich' chi ru'uj»”.