Eclesiastés 1:3 - Q'eqchi Bible

³ K'aru naqara chirix li tawasij ib' ut li naqayal wi' qaq'e sa' li ruuchich'och' a'in?

Li Santil hu

³ ¿Cꞌaꞌru tixra li cui̱nk nak tixcamsi rib chi trabajic rajlal cutan?

Eclesiastés 1:3 ပူးပေါင်းရင်းမြစ်များ

Eclesiastés 3:9

Xink'e reetal naq q'axal aal li iiq xk'e li Yos sa' qab'een. Ab'anan ma wank k'aru naxra li winq naq naxtawasi rib' chi k'anjelak?

Eclesiastés 5:16

A'in q'axal ra ajwi' xk'ulb'al: jo' naq xk'ulunk sa' ruuchich'och', jo'kan ajwi' naq taakamq. Ut k'aru xra naq xtawasi rib'

Eclesiastés 2:22

Rik'in a'in nak'utunk naq maak'a' aj e naq naqatawasi qib' ut naqayal qaq'e chi k'anjelak arin sa' ruuchich'och'.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Eclesiastés 2:19

Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

Habacuc 2:13

Ab'an li Nimajwal Yos ink'a' tixk'e xwankil laak'anjel, ut maak'a' na'ok wi' li k'aru xatawasi wi' aawib', xb'aan naq chixjunil li xab'aanu taa'oso'q chi junwaakaj xb'aan li xam.

Eclesiastés 9:13

Jo'kan ajwi' xwil a'in sa' li ruuchich'och' a'in, ut q'axal xk'anjelak cho'q we.

Eclesiastés 9:6

Ink'a' chik neke'rahok chi moko xik' neke'ilok, ink'a' chik neke'kaqalink chi moko neke'okenk chik rik'in li na'uxmank arin sa' ruuchich'och'. Ak xraqe'k chixjunil a'an!

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Eclesiastés 7:11

Li chaab'il na'leb', a'an us cho'q reheb' li wankeb' sa' ruuchich'och'. Ab'an q'axal wi' chik us naq wank qana'leb' ut b'ihomo ajwi'.

Eclesiastés 6:12

Ma wank tab'i' junaq nanawok re k'aru tz'aqal li us cho'q re li winq naq wank arin sa' ruuchich'och'? Li xyu'am nanume'k sa' junpaat kama' junaq mu. Maa'ani naru chi xyeeb'al qe k'aru taak'ulmanq moqon, chirix li qakamik.

Eclesiastés 5:18

Xink'e reetal naq li jwal us cho'q re li winq, a'an li wa'ak uk'ak, xyalb'al xsahil li xk'anjela ru jo' najtil roq li xyu'am xmaatani sa' ruq' li Yos, xb'aan naq a'in rajom li Qaawa'.

Eclesiastés 4:3

Ab'anan q'axal wi' chik us cho'q reheb' li maji' neke'yo'laak, xb'aan naq maji' rilomeb' li maa'usilal na'uxk sa' li ruuchich'och' a'in.

Habacuc 2:18

K'aru aj e li xjalam u junaq k'oxlanb'il yos? A'an yal jalanil yos, aj b'alaq'; a'an yal xb'aanuhom junaq aj peech'. Ma naru tixk'ojob' xch'ool li xyiib'ank re? Xb'aan naq eb' li yiib'anb'il yos ink'a' neke'aatinak.

Eclesiastés 4:7

Xink'e ajwi' reetal naq wan wi' chik k'a'aq re ru li maak'a' na'ok wi' sa' ruuchich'och'.

1 Corintios 16:16

Nintz'aama cheru naq chexpaab'anq chiruheb', jo' ajwi' chiru chixjunileb' li neke'okenk chi k'anjelak rochb'eeneb'.

Eclesiastés 2:18

Xik' ajwi' nawil jo'ch'inal jo'nimal xintawasi wi' wib' chiru linyu'am, xb'aan naq a'an tkanaaq cho'q re li taa'ok sa' linna'aj.