Eclesiastés 1:13 - Q'eqchi Bible

¹³ Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Li Santil hu

¹³ Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Eclesiastés 1:13 ပူးပေါင်းရင်းမြစ်များ

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.

1 Timoteo 4:15

K'e aach'ool chirix chixjunil a'in; chaq'axtesi aawib' chi xb'aanunkil li xinye aawe re naq taak'utunq chiruheb' chixjunil naq yo chi nimank laana'leb' ut laaseeb'al sa' laak'anjel.

Eclesiastés 12:12

At walal, k'e reetal: maajoq'e taaraqe'q xtz'iib'ankil naab'aleb' li hu, ut li numtzolok nalub'tesink.

Eclesiastés 7:25

Toja' naq xink'e inch'ool chi xtzolb'al jo'ch'inal jo'nimal naxk'e rib' chiwu, re naq twanq b'ayaq inna'leb'. Ut xink'e reetal naq moko us ta li memil, ut li memil a'an kama' li jipil.

Eclesiastés 8:9

Xink'e inch'ool chi xtawb'al ru jo'ch'inal jo'nimal nak'ulmank sa' ruuchich'och'. K'a'ut naq wankeb' winq k'eeb'ileb' xwankil chi xrahob'tesinkil eb' li ras riitz'in?

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Eclesiastés 2:23

Nujenaq li qayu'am chi rahil k'a'uxl ut ch'a'ajkilal. Chi moko chiru q'oqyink nahilank li qach'ool! A'in ajwi' maak'a' rajb'al!

Proverbios 23:26

At walal ink'ajol, k'e aach'ool chi wab'inkil, ut il chi us li b'e nink'ut chawu.

Proverbios 18:15

Eb' li wankeb' xna'leb' ut seeb' xk'a'uxeb' neke'xsik' xtz'aqob' li xna'leb', ut neke'xtaw.

Proverbios 18:1

Li naxsik' li us cho'q re xjunes rib' naxjek' rib' rik'ineb' li ras riitz'in ut xik' naril li chaab'il na'leb' nak'eemank re.

Proverbios 4:7

Chayal aaq'e chi xtawb'al aana'leb'; chaweechani li seeb'al k'a'uxl, us ta tento xk'ayinkil laajunkab'lal.

Salmos 111:2

Makach'in xnimal li xb'aanuhom li Qaawa'; jo'k'ihaleb' li neke'rahok re, junelik wank sa' xch'ooleb'.

Li xHu LAJ JOB 28:3

Sa' xmaril li aak'ab' eb' li winq neke'xtz'il rix li xchamal li ch'och', ut neke'xsik' chaq eb' li tertookil pek sa' li na'ajej q'axal q'oqyink.

Eclesiastés 3:11

Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 11:5

Laa'at ink'a' nakanaw b'ar naxik li iq', chi moko chanru nak'ub'laak li k'uula'al rik'in li xna'. Jo'kan ajwi' ink'a' nakanaw k'aru naxb'aanu li Yos, laj Winqob'resihom re choxach'och'.

Proverbios 25:2

Xloq'al li Yos, a'an xk'uulankil li xk'a'uxl; ab'an xloq'al li winq xtawb'al ru li k'aru muqmu.