Deuteronomio 7:8 - Q'eqchi Bible

⁸ kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Li Santil hu

⁸ Quixsicꞌ ban e̱ru xban nak nequexra ut xban nak quiraj xba̱nunquil li quixyechiꞌi reheb le̱ xeꞌto̱nil yucuaꞌ nak texrisi Egipto. Joꞌcan nak quexrisi riqꞌuin xcuanquil saꞌ li naꞌajej li quexcuan cuiꞌ chokꞌ rahobtesinbil mo̱s rubel xcuanquil laj faraón.

Deuteronomio 7:8 ပူးပေါင်းရင်းမြစ်များ

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Jeremías 31:3

laa'in kink'utb'esi wib' chiru. Laa'in nakatinra rik'in rahom wank chi junelik; jo'kan naq junelik twuxtaana aawu.

Éxodo 32:13

Jultikaq aawe laj Abrahán, laj Isahak ut laj Israel, aj k'anjeleb' chawu, li kayeheb' wi' li jurament a'in: «Tink'e chi k'ihank leeralal eek'ajol jo' xk'ihaleb' li chahim sa' choxa. Chixjunil li ch'och' a'in li xinyeechi'i eere, tink'e reheb' leeralal eek'ajol, ut eb' a'an te'eechaninq re chi junajwa»”.

Isaías 43:4

Xb'aan naq jwal loq'at cho'q we laa'in, q'axal terto aatz'aq ut nakatinra. Tink'eheb' li poyanam ut eb' li tenamit cho'q aaweeqaj re xkolb'al laayu'am.

Deuteronomio 10:15

Ab'an ka'ajwi' chirixeb' laana' laayuwa' xkoho xch'ool li Qaawa'; kixraheb' ut kixsik' ajwi' eeru laa'ex li ralal xk'ajoleb' sa' xyanq chixjunileb' li tenamit, jo' yookex chi rilb'al anaqwan.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

San Lucas 1:55

jo' kixyeechi'i chaq reheb' li qana' qayuwa': re ruxtaanankil ru laj Abrahán ut eb' li ralal xk'ajol chi junelik”.

San Mateo 11:26

Yaal, at inYuwa', xb'aan naq jo'kan xwulak chawu.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Salmos 105:42

Li Yos junelik wank sa' xch'ool li xloq'laj aatin li kixye re laj Abrahán, laj k'anjel chiru.

Salmos 44:3

Rik'in laawuq' xawaanilasiheb' li tenamit, xarahob'tesi chixjunileb' li poyanam re xk'ojob'ankil eb' li qana' qayuwa' sa' li xna'ajeb', re naq te'k'iiq ut te'nimanq.

2 Samuel 22:20

Xinxk'e sa' jun li na'ajej q'axal helho, xinxkol xb'aan naq k'ajo' naq nikinxra!

1 Samuel 12:22

Sa' xk'ab'a' li xnimal xloq'al, li Qaawa' ink'a' texxtz'eqtaana, xb'aan naq A'an xk'ul ru eek'eeb'al cho'q xtz'aqal tenamit.

Deuteronomio 4:37

A'an kixraheb' laana' laayuwa'; jo'kan naq kixsik'eb' ru li ralal xk'ajoleb' ut katrisi chaq Ejiipt rik'in xnimal xwankil,

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

1 Juan 4:19

Laa'o nokoorahok xb'aan naq A'an kooxra xb'enwa.

Romanos 11:28

Sa' xk'ab'a' li Chaab'il Esilal, eb' laj Judiiy wankeb' sa' raaxiik' rik'in li Yos (ut a'in usilal cho'q eere laa'ex); a'ut xb'aan li xb'oqom li Yos, q'axal raarookeb' sa' xk'ab'a'eb' li xna' xyuwa'eb'.

Génesis 19:16

A'ut laj Lot toj yo chi xk'oxlankil. Jo'kan naq li wiib' chi winq xb'aan xnimal ruxtaan li Qaawa' ke'xchap chi ruq'; ke'xchap ajwi' li rixaqil ut xkab'ichaleb' li xrab'in, ut chixjunileb' ke'isiik chirix li tenamit.

Génesis 19:29

Jo'ka'in naq li Yos kixsacheb' li tenamit sa' li taq'a. Ab'an kijultiko'k re laj Abrahán ut kixkol laj Lot chiru li nimla rahilal, naq kixsacheb' li tenamit kiwank wi' laj Lot.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

2 Crónicas 9:8

Loq'oninb'il taxaq li Qaawa' laaYos, li k'ojk'o xch'ool chawix: xatxxaqab' cho'q x'awab'ej ut xatxk'ojob' sa' xk'ojarib'aal laj Israel! Sa' xk'ab'a' xraab'aleb' laj Israel chi junelik, li Qaawa' xatxxaqab' cho'q awab'ej re naq tattaqlanq sa' xb'eeneb' sa' xyaalal ut sa' tiikilal”.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Ezequiel 36:22

“Jo'kan naq ye reheb' laj Israel chi jo'ka'in: «Jo'ka'in xye li Qaawa': Li k'aru ok we chi xb'aanunkil, maawa' sa' eek'ab'a' laa'ex, ex aj Israel, sa' xk'ab'a' b'an linsantilal li xemux laa'ex sa'eb' li tenamit b'arwi' xexwank chaq.

Miqueas 6:4

Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Miqueas 7:20

At Qaawa', junelik taxaq wanq li xtiikilal aach'ool rik'in laj Jakob ut laarahom rik'in laj Abrahán, jo' kaye chaq junxil q'e kutan reheb' li qana' qayuwa'.

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 23:6

Maajun wa taasik' li tuqtuukil usilal rik'ineb' li tenamit a'an chi moko taawusilaheb', jo' najtil yo'yooqat.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

1 Reyes 10:9

Loq'oninb'il taxaq li Qaawa' laaYos, li k'ojk'o xch'ool chawix ut xatxk'ojob' sa' xk'ojarib'aal laj Israel! Sa' xk'ab'a' xraab'aleb' laj Israel chi junelik, li Qaawa' xatxxaqab' cho'q awab'ej re naq tattaqlanq sa' xb'eeneb' sa' xyaalal ut sa' tiikilal”, chan.

1 Crónicas 16:16

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

Salmos 44:4

Ch'olch'o naq moko rik'in ta yalok u xe'reechani li na'ajej, chi moko rik'in li xnimal xwankileb' xe'q'axok u, sa' xk'ab'a' b'an laawankil, rik'in laanim uq' ut li xlemtz'unkil xnaq' aawu, xb'aan naq k'ajo' xaraheb' chaq.