Deuteronomio 7:3 - Q'eqchi Bible

³ Mat-ech'alalink rik'ineb', ink'a' taak'e laarab'in reheb' li ralaleb' chi moko taak'am chaq li xrab'ineb' cho'q reheb' laawalal,

Li Santil hu

³ Incꞌaꞌ texsumla̱k riqꞌuineb ut incꞌaꞌ te̱sumubeb le̱ rabin riqꞌuineb li ralal eb aꞌan, chi moco te̱sumubeb le̱ ralal riqꞌuin lix rabin eb aꞌan.

Deuteronomio 7:3 ပူးပေါင်းရင်းမြစ်များ

1 Reyes 11:2

A'aneb' li tenamit b'arwi' kixye li Qaawa' reheb' laj Israel naq ink'a' taaruuq te'xsik' rixaqileb': “Wi teelaq'ab' eerib' rik'ineb' a'an, ch'olch'o naq te'xb'alaq'i leech'ool chi xloq'oninkil li xyoseb'”, chan li Yos. Ab'an laj Salomón kixk'ameb' cho'q rixaqil xb'aan naq kixraheb':

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Jueces 14:3

Ab'anan li xna' xyuwa' ke'xye re: “K'a' naq xkohat chi xsik'b'al laawixaqil sa' xyanqeb' laj Filistea li ink'a' neke'xpaab' li Yos? Ma maak'a' tab'i' ixq sa' qayanq laa'o malaj sa' xyanqeb' chixjunileb' laj Israel?”. Ab'an laj Sansón kixsume li xyuwa': “K'am chaq a'an cho'q wixaqil, xb'aan naq a'an li nawulak chiwu”, chan.

Esdras 9:12

Jo'kan utan, meek'e leerab'in reheb' li ralaleb', chi moko teesumub' leeralal rik'ineb' li xrab'ineb' a'an. Maajun wa teesik' tuqtuukilal ut sahilal cho'q reheb' li poyanam a'an, re naq kawaq eerib' laa'ex, teetzeka linchaab'il eechej na'elk sa' li ch'och' ut teekanab' leeralal eek'ajol chi reechaninkil li na'ajej chi junelik».

Esdras 10:3

Qab'aanuuq jun li sumwank rik'in li qaYos: qaye li qaatin naq te'qachaq'rab'i chixjunileb' li ixq aj ab'l tenamit rochb'eeneb' li xkok'al, jo' chanru xaye laa'at, wa'chin, jo'keb' ajwi' chixjunileb' li neke'roxloq'i li xchaq'rab' li qaYos. Chi'uxmanq jo' naxye li Chaq'rab'.

Nehemías 10:30

Kiqaye li qaatin naq ink'a' tqak'e eb' li qarab'in reheb' li jalan xtenamiteb' chi moko tqasik' li xrab'ineb' a'an cho'q rixaqileb' li qalal.

1 Reyes 16:31

Ink'a' kitz'aqlok re xb'aanunkil li xmaakeb' laj Jerobohán, ralal laj Nebat; kixk'am aj b'an wi' cho'q rixaqil lix Jesabel, xrab'in laj Itobahal, awab'ej re Sidón, ut ki'ok chi k'anjelak chiru li jalanil yos, Bahal xk'ab'a', ut kixloq'oni ru.