Deuteronomio 7:1 - Q'eqchi Bible

¹ “Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Li Santil hu

¹ Li Ka̱cuaꞌ le̱ Dios ta̱ocsi̱nk e̱re saꞌ li naꞌajej li te̱re̱chani la̱ex. Ta̱risiheb che̱ru li cuukub chi xni̱nkal ru tenamit. Aꞌaneb laj heteo, eb laj gergeseo, eb laj amorreo, eb laj cananeo, eb laj ferezeo, eb laj heveo, joꞌ eb ajcuiꞌ laj jebuseo. Eb li tenamit aꞌin cauheb rib ut kꞌaxal ni̱nkeb xcuanquil che̱ru la̱ex.

Deuteronomio 7:1 ပူးပေါင်းရင်းမြစ်များ

Deuteronomio 31:3

A' li Qaawa' laaYos, a'an li taak'amoq b'e cheru naq texnume'q junpak'al li nima'. A'an taasachoq reheb' li tenamit a'an cheru ut taarisiheb' sa' li xna'ajeb'. Laj Josué, a'an li taajolominq eere, jo' chanru xyehom li Qaawa'.

Hechos 13:19

Moqon chik kixsach wuqub' chi tenamit sa' xch'och'eb' laj Kanahán ut kixk'e chi reechani li xna'ajeb'

Deuteronomio 4:38

kiraanilasiheb' li numtajenaqil tenamit li q'axal kaweb' rib' chawu, ut katroksi sa' li xch'och': kixk'e chaweechani jo' naq wank aawe anaqwan.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.

Deuteronomio 9:1

“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb':

Deuteronomio 9:4

Ut naq akaq xe'isiik chawu xb'aan li Qaawa' laaYos, maaye sa' laach'ool: «Xb'aan xtiikilal linch'ool xinxk'am li Qaawa' chiweechani li ch'och' a'in». Jwal us b'an taaye: «Li Qaawa' kirisiheb' chiwu li tenamit a'in xb'aan li xmaa'usilaleb'», cha'qat.

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

Salmos 78:55

Chiruheb' a'an kixticheb' chi najt eb' li poyanam, kixk'ojob' li xteepaleb' laj Israel sa' li xmuheb'aaleb' laj Kanahán ut kixjek'i li na'ajej cho'q reechanihomeb'.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Deuteronomio 11:29

“Naq akaq xexroksi li Qaawa' leeYos sa' li ch'och' toxeereechani, teek'e li osob'tesink sa' xb'een li tzuul Karisín, ut li majewank teek'e sa' xb'een li tzuul Ebal.

Deuteronomio 6:23

A'ut laa'o koorisi chaq aran re qak'amb'al sa' li ch'och' xyeechi'om reheb' li qana' qayuwa'.

Deuteronomio 6:19

xb'aan naq traanilasiheb' cheru chixjunileb' li xik' neke'ilok eere, jo' xyehom li Qaawa'.

Deuteronomio 6:10

“Naq akaq xatroksi li Qaawa' laaYos sa' li ch'och' kixyeechi'i reheb' laaxe'toonil yuwa', a' laj Abrahán, laj Isahak ut laj Jakob, misachk sa' aach'ool li Qaawa'. A'an tixk'e aawe xninqal ut xsahilal ru tenamit ink'a' k'ojob'anb'ileb' aab'aan;

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Números 14:31

A'ut eb' leeralal eek'ajol, li keye naq te'kamsiiq xb'aaneb' li xik' neke'ilok eere, twoksiheb' aran ut te'xyal xsahil li ch'och' li xetz'eqtaana laa'ex.

Éxodo 15:7

Rik'in xnimal aaloq'al nakasacheb' li neke'xyal xnimob'resinkil rib' chawu; nakak'ut laajosq'il, ut chanchaneb' li k'im sa' xam naq neke'oso'k.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Éxodo 23:28

Tintaqlaheb' li ch'ub' chawu laa'at: eb' a'an te'xyoolesi chawu eb' laj Jib, laj Kanahán ut laj Hit.

Éxodo 23:33

Maakanab'eb' chi wank sa' laana'aj, re naq ink'a' tate'xk'e chi maakob'k chiwu. Mare anchal tat-aaleeq ut taaloq'oniheb' li xyoseb'”.

Levítico 14:34

“Naq akaq xex'ok sa' xteepal Kanahán, sa' li ch'och' tink'e cho'q eereechanihom, wi laa'in tintaqla li saqlep sa' junaq ochoch sa' leetenamit,

Deuteronomio 20:16

Ab'an sa'eb' li tenamit li tixk'e li Qaawa' laaYos chaweechani, maajun junaq taakanab' chi yo'yo,

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Josué 11:3

Kixtaqla ajwi' xyeeb'al resil reheb' laj Kanahán li wankeb' chaq sa' releb'l saq'e ut rokeb'l saq'e, reheb' laj Amor, eb' laj Jib, eb' laj Perés ut eb' laj Jebús sa' xyanqeb' li tzuul, reheb' laj Jib chiru li tzuul Hermón, sa' li tenamit Mispá.

Josué 24:11

“Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.

1 Reyes 16:31

Ink'a' kitz'aqlok re xb'aanunkil li xmaakeb' laj Jerobohán, ralal laj Nebat; kixk'am aj b'an wi' cho'q rixaqil lix Jesabel, xrab'in laj Itobahal, awab'ej re Sidón, ut ki'ok chi k'anjelak chiru li jalanil yos, Bahal xk'ab'a', ut kixloq'oni ru.

Nehemías 13:23

Sa'eb' li kutan a'an kink'e ajwi' reetal naq wankeb' aj Judiiy ke'sumlaak rik'ineb' li ixq aj Asdod, aj Amón ut aj Mohab.

Éxodo 23:32

“Maak'e aawib' sa' sum'aatin rik'ineb' li tenamit a'an chi moko rik'in li xyoseb'.

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Deuteronomio 9:3

“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.

1 Crónicas 1:14

Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás,

2 Crónicas 8:7

Chixjunileb' laj Hit, laj Amor, laj Perés, laj Jib ut laj Jebús, li maawa'eb' aj Israel li ke'kanaak,

Esdras 9:1

Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.