Deuteronomio 6:3 - Q'eqchi Bible

³ Ab'i, Israel, ut yal aaq'e chi xyu'aminkil, re naq sa tatwanq ut tatk'ihanq sa' li xq'emal na'ajej, jo' kixyeechi'i aawe li Qaawa', li xYos eb' laana' laayuwa'.

Li Santil hu

³ La̱ex aj Israel, abihomak li yo̱quin chixyebal. Qꞌuehomak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak us tex-e̱lk ut re nak texnabalokꞌ nak cua̱nkex saꞌ li cha̱bil naꞌajej li na-el cuiꞌ chi nabal li sahil echej joꞌ quixye e̱re li Ka̱cuaꞌ lix Dioseb le̱ xeꞌto̱nil yucuaꞌ.

Deuteronomio 6:3 ပူးပေါင်းရင်းမြစ်များ

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Hechos 7:17

“Naq yo chaq chi nach'ok xq'ehil li xyeechi'om li Yos re laj Abrahán, ke'k'ihank li tenamit Israel ut ke'pukank aran Ejiipt,

Isaías 3:10

Us xaq re li tiik xch'ool xb'aan naq tixyal xsahil li xchaab'il k'anjel.

Eclesiastés 8:12

Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

Deuteronomio 4:6

Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Jeremías 42:6

A' yaal ma tixk'ul qach'ool li xsumehom li Yos malaj ut ink'a', laa'o tqapaab' li Qaawa' li qaYos, li xatqataqla wi' chi tz'aamank chi elajink. Wi too'ab'inq chiru, us too'elq”, chankeb'.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Deuteronomio 8:8

A'an jun li ch'och' b'arwi' na'elk li triiw, li seb'aad, li uub', li iig ut li ki'il q'een, li aseeyt ut li xya'al kab';

Deuteronomio 11:9

Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal.

Deuteronomio 26:9

kooxk'am chaq sa' li na'ajej a'in ut kixk'e qe li ch'och' a'in k'ajo' xq'emal.

Deuteronomio 26:15

Chalen chaq sa' laaloq'laj muheb'aal, toj sa' xb'een li choxa, chawil ut chawosob'tesi chaq laatenamit Israel, jo' ajwi' li ch'och' k'ajo' xq'emal xak'e qe, jo' chanru xayeechi'i chaq reheb' li qana' qayuwa'».

Deuteronomio 27:3

ut teetz'iib'a chiruheb', chixjunil li raatinul li chaq'rab' a'in. Teeb'aanu a'in naq toxex'okaq sa' li xq'emal ch'och' tixk'e eere li Qaawa' leeYos, kama' kixye eere li Qaawa', li xYos eb' leexe'toonil yuwa'.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Salmos 119:4

Laa'at xak'e chi nawe'k laachaq'rab' re naq taapaab'aaq chi tz'aqal re ru.