Deuteronomio 6:2 - Q'eqchi Bible

² Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Li Santil hu

² Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Deuteronomio 6:2 ပူးပေါင်းရင်းမြစ်များ

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Deuteronomio 13:4

A' li Qaawa' leeYos teetaaqe ut ka'ajwi' A'an teeroxloq'i; teepaab' li xchaq'rab' ut teerab'i li xyaab' xkux, texk'anjelaq chiru ut wanqex rik'in chi junelik.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Salmos 128:1

B'ich re li taqsink. Us xaq reheb' li neke'roxloq'i li Qaawa' ut neke'xtaaqe chixjunileb' li xb'e.

Deuteronomio 5:16

«Chawoxloq'i laana' laayuwa' jo' chanru xatxchaq'rab'i wi' li Qaawa' laaYos, re naq najtaq roq laayu'am ut sahaq laach'ool sa' li na'ajej tixk'e aawe li Qaawa' laaYos.

Proverbios 3:16

Rik'in li xnim uq' naxyeechi'i aayu'am najt roq, ut rik'in li junchik naxyeechi'i aab'ihomal ut aaloq'al.

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Proverbios 16:6

Wi nakatrahok chi yaal, taakuye'q laamaak; wi nakawoxloq'i li Qaawa', tatnajto'q rik'in li maak.

Deuteronomio 22:7

Taakanab' chi xik li na'b'ej ut taak'am eb' li ral sa' laawochoch. Chi kama' a'an sa tatwanq ut taanajto'q roq laayu'am.

Deuteronomio 6:7

Ch'ik sa' xk'a'uxeb' laawalal aak'ajol, seeraq'i reheb' sa' laawochoch jo' ajwi' naq wanqat chiru aab'e, naq yokyooqat malaj naq tatwakliiq.

Deuteronomio 4:10

“Laa'ex kexwank chiru li Qaawa' leeYos chi xtoon li tzuul Horeb ut aran li Qaawa' kixye we: «Ch'utub'eb' chiwu li tenamit re naq te'rab'i li waatin ut tine'xpaab' naq toj wanqeb' sa' li ruuchich'och' a'in, ut te'xk'ut ajwi' li aatin a'in chiruheb' li ralal xk'ajoleb'».

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Éxodo 20:12

“Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Deuteronomio 11:9

Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal.

Salmos 91:16

Tinnajtob'resi roq li xyu'am chi yo'oon ut tink'ut chiru naq laa'in laj kolonel”.

Ezequiel 20:19

Laa'in li Qaawa' leeYos, chankin reheb'. Paab'omaq linchaq'rab' ut k'uulahomaq sa' leech'ool li waatin li nink'e cheyu'ami.

Deuteronomio 6:24

Chirix chik a'an li Qaawa' kooxchaq'rab'i chi xyu'aminkil chixjunileb' li chaq'rab' a'in ut roxloq'inkil ru li qaYos. Chi jo'kan sa toowanq ut yo'yooqo, jo' wanko toj sa' li kutan a'in.

Deuteronomio 15:5

wi relik chi yaal taawab'i li xyaab' xkux ut taab'aanu jo' naxye chixjunil li chaq'rab' a'in, li xink'e chanaw anaqwan.

Deuteronomio 30:19

Sa' li kutan a'in ninye aawe chiru li choxa ut li ruuchich'och': xinyeechi'i aawe yu'am ut kamk, osob'tesiik ut majewaak. Sik' ru li yu'am re naq yo'yooqat laa'at jo'wi' eb' laawalal aak'ajol.

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Josué 4:24

Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

1 Reyes 8:40

Jo'kan naq tate'roxloq'i chiru chixjunil li xyu'ameb' naq wanqeb' sa' li ch'och' kak'e reheb' li qana' qayuwa'.

Proverbios 9:11

Sa' ink'ab'a' laa'in taatiqmanq roq laayu'am ut taak'ihob'resimanq laakutan.

Jeremías 32:39

Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.