Deuteronomio 5:5 - Q'eqchi Bible

⁵ Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Li Santil hu

⁵ La̱in quinqꞌue cuib saꞌ e̱yi la̱ex ut li Ka̱cuaꞌ re nak tinye e̱re cꞌaꞌru naxye li Ka̱cuaꞌ. La̱ex quexxucuac xban li xam. Joꞌcan nak incꞌaꞌ quextakeꞌ saꞌ li tzu̱l.

Deuteronomio 5:5 ပူးပေါင်းရင်းမြစ်များ

Gálatas 3:19

K'a' put aj e li Chaq'rab' chi jo'kanan? Xb'aan li q'etok aatin naq kik'eemank, toj reetal taak'ulunq li ralal laj Abrahán li kiyehe'k wi' li yeechi'om a'in. Li Chaq'rab' kixaqab'aak xwankil xb'aaneb' li ánjel ut xb'aan jun aj oksinel aatin.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

Jeremías 30:21

Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Deuteronomio 5:27

Jwal us naq laa'at tatnach'oq chi rab'inkil chixjunil li tixye li Qaawa' li qaYos; chirix chik a'an tolaaye qe. Laa'o tqab'i ut tqapaab'», chankex.

Números 16:48

Kixxaqab' rib' sa' xyanqeb' li kamenaq ut eb' li yo'yookeb', ut kiraqe'k li raxkamk.

Génesis 18:22

Ke'elk ut aran eb' li winq ut koheb' sa' xb'ehil Sodoom; ab'an laj Abrahán kikanaak chi xaqxo chiru li Qaawa'.

Éxodo 19:21

kiyehe'k re xb'aan li Qaawa': “Kub'en ut q'useb' li tenamit: me'xq'ax chaq li nub'ajl re rilb'al wu, xb'aan naq, wi ta jo'kan, naab'al te'kamq sa' xyanqeb'.

Éxodo 19:25

Toja' naq laj Moisés kikub'eek wankeb' wi' laj Israel ut kixye resil reheb'.

2 Reyes 18:4

A'an li kisachok reheb' li tijob'aal sa' xjolomeb' li tzuul, kixjuk'eb' li xjalam u pek che' neke'loq'oniik wi' eb' li jalanil yos. Kixputz'i li k'anti' yiib'anb'il rik'in q'anch'iich' xb'aan laj Moisés, xb'aan naq toj sa' li kutan a'an eb' laj Israel neke'k'atok pom chiru ut Nejustán neke'xk'e cho'q xk'ab'a'.