Deuteronomio 5:1 - Q'eqchi Bible

¹ Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Li Santil hu

¹ Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 5:1 ပူးပေါင်းရင်းမြစ်များ

Deuteronomio 4:1

“Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

San Mateo 23:3

Cheb'aanu ut chepaab' chixjunil li te'xye eere, ab'anan meeb'aanu jo' neke'xb'aanu eb' a'an, xb'aan naq neke'xye ut ink'a' neke'xb'aanu.

Deuteronomio 29:10

“Arin wankex sa' li kutan a'in, xaqxookex chejunilex chiru li Qaawa' leeYos: eb' li xjolomil li kab'laju chi teep, eb' leecheekelal, eb' leenawonel chaq'rab' ut chixjunileb' laj Israel,

Deuteronomio 29:2

Laj Moisés kixb'oqeb' ut kixch'utub'eb' chixjunileb' laj Israel, ut kixye reheb' chi jo'ka'in: “Laa'ex ak keril chixjunil li kixb'aanu li Qaawa' aran Ejiipt re laj Parahón, reheb' laj k'anjel chiru ut reheb' chixjunil li xtenamit.

Deuteronomio 1:1

A'aneb' a'in li aatin kixye laj Moisés reheb' chixjunil laj Israel junpak'al li nima' Jordán, sa' li chaqich'och' re Arabá, sa' xjayal Suf, sa' xyanq Parán ut Tófel, Labán, Jaserot ut Dixab.

Éxodo 18:20

K'uteb' chiru li xtaqlankileb' ut eb' li chaq'rab'; k'e chixnaweb' li b'e li tento te'xk'am ut li k'anjel te'xb'aanu.

Deuteronomio 4:49

rik'in chixjunil Arabá li wank sa' xjayal releb'l saq'e junpak'al li nima' Jordán, toj chire li palaw re Arabá, sa' xtoon li tzuul Piská.

Deuteronomio 5:2

“Li Qaawa' li qaYos kixk'ojob' jun Sumwank qik'in chiru li tzuul Horeb.

Salmos 78:7

re naq kawaqeb' xch'ool rik'in li Yos; ink'a' chisachq sa' xch'ooleb' li xninqal ru xb'aanuhom li Yos ut te'xpaab' chixjunil li xtaqlahom chi junelik.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Deuteronomio 6:17

Paab'omaq chi chaab'il li xchaq'rab' li Qaawa' laaYos, a' li xtaqlahom ut eb' li raatin li xk'e chepaab'.

Deuteronomio 11:1

“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil.

Deuteronomio 12:1

“A'aneb' a'in li aatin ut li chaq'rab' li tento teek'anjela ru chixjunil li kutan re leeyu'am sa' li ch'och' tixk'e chereechani li Qaawa', xYos eb' leena' leeyuwa'.

Deuteronomio 17:19

Junelik wanq rik'in li awab'ej, ut a'in taaril xsa' rajlal kutan chiru chixjunil li xyu'am, re naq tixtzol rib' roxloq'inkil li Qaawa' li xYos, jo' ajwi' xpaab'ankil ut xk'anjelankil ru chixjunil li aatin ut taqlahom wank sa' li Chaq'rab' a'in.

Deuteronomio 28:15

“Ab'anan wi ink'a' taawab'i xyaab' xkux li Qaawa' laaYos ut wi ink'a' taapaab' ut taak'anjela ru chixjunil li xchaq'rab' li yookin chi xyeeb'al aawe anaqwan, te'chalq sa' aab'een chi numtajenaq chixjunileb' li rahilal a'in:

Josué 1:8

Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.