Deuteronomio 4:7 - Q'eqchi Bible

⁷ Relik chi yaal, ma wank ta junaq nimla tenamit li wank li xyoseb' chi jwal nach' chi xk'atq jo' naq wank li Qaawa' li qaYos rajlal naq naqayaab'a xk'ab'a'?

Li Santil hu

⁷ ¿Ma cuan ta biꞌ junak tenamit ta̱qꞌuehekꞌ xcuanquil xban lix dioseb joꞌ nak naxqꞌue kacuanquil la̱o li Ka̱cuaꞌ li kaDios? Li kaDios la̱o naxqꞌue ke li cꞌaꞌru nakatzꞌa̱ma chiru nak nakaya̱ba lix cꞌabaꞌ.

Deuteronomio 4:7 ပူးပေါင်းရင်းမြစ်များ

Salmos 145:18

Nach' wank li Qaawa' rik'ineb' li neke'yaab'ank li xk'ab'a', rik'ineb' li neke'xyaab'a xk'ab'a' chi anchaleb' xch'ool.

Salmos 34:18

Neke'xyaab'a xk'ab'a' li Qaawa', ut a'an narab'iheb'; narisiheb' sa' chixjunil li rahilal wankeb' wi'.

Salmos 73:28

A'ut li wank chi xk'atq li Yos a'an li us cho'q we: laa'in xinq'axtesi wib' rub'el roq rub'el ruq' li Qaawa', ut nawaj xpuktesinkil resil chixjunil li xb'aanuhom.

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

Isaías 55:6

“Sik'omaq li Qaawa' naq toj naru xtawb'al; b'oqomaq A'an naq toj wank chi nach'.

Salmos 46:1

Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.

Salmos 148:14

A'an laj k'ehol xkawilal li xtenamit! Jo'kan naq eb' laj paab'anel neke'xnima xloq'al; neke'xterq'usi li xk'ab'a' eb' laj Israel, li tenamit sik'b'il ru xb'aan. Aleluya!

Isaías 43:4

Xb'aan naq jwal loq'at cho'q we laa'in, q'axal terto aatz'aq ut nakatinra. Tink'eheb' li poyanam ut eb' li tenamit cho'q aaweeqaj re xkolb'al laayu'am.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Números 23:9

Toj sa' xb'een li saqoonak neke'wil, toj sa' xb'eeneb' li b'ool nink'e reetal: a'an jun tenamit li wankeb' xjunes; ink'a' k'eeb'ileb' sa' ajl sa' xyanqeb' li poyanam.

Hechos 17:27

re naq te'xsik' li Yos: mare anchal te'xtaw chi maayunb'il. Relik chi yaal naq moko najt ta wank qik'in chiqajunjunqal,

Deuteronomio 4:32

“Patz'on reheb' li kutan ak xe'nume'k, tz'ili rix chalen naq li Qaawa' kixyoob'tesi li winq sa' xb'een li ruuchich'och': ma wanjenaq malaj ab'inb'il jun sutaq rub'el choxa junaq k'aru kama' ta a'in?

Deuteronomio 26:19

A'an tixterq'usi laaloq'al, laak'ab'a' ut laawankil sa' xb'een chixjunileb' li tenamit li kixyoob'tesi, ut laa'ataq jun tenamit q'axtesinb'ilaq cho'q re li Qaawa' laaYos, jo' chanru kixye aawe A'an”.

Salmos 34:17

Ab'an xik' narileb' laj b'aanuhom maa'usilal re naq maak'a'aq chik xpatz'b'aleb' sa' ruuchich'och'.

Salmos 85:9

Twab'i k'aru tixye li Qaawa': li Yos tixjultika li tuqtuukil usilal cho'q re li xtenamit ut eb' li neke'rahok re, re naq ink'a' te'sutq'iiq wi' chik chi xb'aanunkil li jo'maajo'il na'leb'.

Salmos 147:20

Ink'a' xb'aanu a'in re jun chik tenamit, chi moko xk'e chi xnaweb' junaq li xchaq'rab'. Aleluya!

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.