Deuteronomio 4:6 - Q'eqchi Bible

⁶ Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

Li Santil hu

⁶ Cheqꞌue e̱chꞌo̱l chixba̱nunquil le̱ taklanquil xban li Ka̱cuaꞌ xban nak cui te̱ba̱nu chi joꞌcan chixjunileb li tenamit teꞌxqꞌue retal nak cuan e̱naꞌleb. Eb aꞌan teꞌrabi resil lix chakꞌrab li Dios ut teꞌxye: “Relic chi ya̱l li nimla tenamit aꞌan cuanqueb xnaꞌleb ut nequeꞌxnau xya̱lal” chaꞌkeb.

Deuteronomio 4:6 ပူးပေါင်းရင်းမြစ်များ

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.

2 Timoteo 3:15

Jo'kan ajwi' jultikaq aawe naq chalen chaq sa' laakach'inal nakanaw xsa' li Santil Hu. A'an wank xwankil re xk'eeb'al aana'leb' li nak'amok sa' li kolb'a ib' sa' xk'ab'a' xpaab'ankil li Kristo Jesus.

1 Reyes 4:34

Sa' chixjunileb' li tenamit wankeb' ke'chalk chi rab'inkil li raatin laj Salomón; ut eb' li awab'ej toj b'arwi' ke'rab'i resil li xchoxahil na'leb', ke'xtaqla chaq ruuchileb' ut xsimaatan.

Santiago 3:13

Ma wank junaq sa' eeyanq wank xna'leb' ut xk'a'uxl? Chixk'utaq rik'in xtiikilal li xyu'am, rik'ineb' li xb'aanuhom uxb'ileb' sa' tuulanil jo' li wank xna'leb'.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

Malaquías 3:12

Toja' naq chixjunileb' li tenamit te'xye naq osob'tesinb'ilex, xb'aan naq k'ajo'aq chik xch'ina'usal leena'aj”, chan li Nimajwal Yos.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Proverbios 14:8

Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.

Daniel 4:9

“At Beltsasar, xjolomilat eb' laj q'e -chankin- ninnaw naq nujenaqat chi xmusiq' eb' li loq'laj yos ut maak'a' muqmu chawu. Ab'i k'aru xwil sa' moy u ut ch'olob' chiwu li xyaalal.

Deuteronomio 29:9

Chepaab' b'i' chi tz'aqal re ru chixjunileb' li raatinul li Sumwank a'in ut chek'anjela ru, re naq us wanqex sa' chixjunil leek'anjel.

Deuteronomio 32:46

kixye ajwi' reheb': “Chek'e reetal chixjunil li xexintaqla wi' sa' li kutan a'in. Chechaq'rab'iheb' leeralal eek'ajol re naq te'xk'e xch'ool chi xk'anjelankil ru chixjunil li raatinul li Chaq'rab' a'in.

Deuteronomio 32:47

Xb'aan naq a'an maawa' yal aatin li maak'a' ta taa'ok wi' eere, a'an b'an eeyu'am: sa' xk'ab'a' li Chaq'rab' a'in taanajto'q roq leeyu'am sa' li ch'och' toxeereechani junpak'al li nima' Jordán”, chan laj Moisés.

Ezequiel 5:5

“Jo'ka'in ninye laa'in li Qaawa': A'an a'in Jerusalén li kink'ojob' sa' xyiheb' li tenamit sa' ruuchich'och'.

Oseas 8:12

Us ta laa'in tintz'iib'a naab'alaq linchaq'rab' cho'q re a'an, ab'anan maak'a' taaraj wi'.

Salmos 19:8

Li xchaq'rab' li Qaawa' a'an tz'aqal re ru, k'ajo' naq nak'ojob'ank ch'oolej; li xtaqlahom li Qaawa' a'an yaal, naxk'e xna'leb'eb' li tuulan.

Proverbios 1:4

re naq wanq xk'a'uxeb' li ink'a' neke'xnaw k'oxlak, ut wanq xna'leb'eb' li toj saajeb' re te'xk'oxla chi us k'aru te'xb'aanu.

Proverbios 1:5

Li wank xna'leb' ut seeb' xk'a'uxl naxk'e xch'ool chi rab'inkil, ut chi jo'kan naxtaw xtz'aqob' li xna'leb' ut li xk'a'uxl,

Proverbios 14:34

Junaq tenamit li wank sa' tiikilal wank xloq'al, ut li maak a'an li xxutaan.

Isaías 42:21

Li Qaawa' xraj xk'eeb'al xloq'al ut xwankil li xchaq'rab' sa' xk'ab'a' li xtiikilal xch'ool.