Deuteronomio 4:2 - Q'eqchi Bible

² Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Li Santil hu

² Incꞌaꞌ te̱risi junak a̱tin saꞌ xya̱nkeb li tinye e̱re chi moco te̱qꞌue xtzꞌakob. Cheba̱nu chi tzꞌakal li naxye lix chakꞌrab li Ka̱cuaꞌ le̱ Dios, li yo̱quin chixyebal e̱re.

Deuteronomio 4:2 ပူးပေါင်းရင်းမြစ်များ

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Proverbios 30:6

Maak'e xb'een li raatin li Yos; mare anchal tatxch'iila ut tatxk'e cho'q aj tik'ti'.

Josué 1:7

Kawaq b'i' aach'ool ut chayal aaq'e chi xpaab'ankil chixjunil li chaq'rab' k'eeb'il aawe xb'aan laj Moisés aj k'anjel chiwu. Chapaab' chi tz'aqal re ru, re naq us tat-elq sa' chixjunil li taab'aanu.

San Mateo 5:18

Relik chi yaal ninye eere: naq toj wanq li choxach'och', maajun xleetril chi moko xch'ina eetalil li Chaq'rab' taanume'q chi ink'a' ta xb'enwa taak'ulmanq chixjunil.

Gálatas 3:15

Ex was wiitz'in, tinch'olob' xyaalal a'in rik'in li k'aru nak'ulmank sa' ruuchich'och': junaq testameent k'uub'k'u chi chaab'il, us ta tz'iib'anb'il xb'aan winq, ab'an maa'ani chik naru nasachok re chi moko tixtiq ru.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

San Mateo 5:43

“Eerab'ihom resil naq kiyeemank: «Taara laawas aawiitz'in ut xik' taawil li xik' na'ilok aawe».

Deuteronomio 1:3

Sa' xtiklajik li xjunlaju po, ka'k'aal chihab'aq relikeb' aran Ejiipt, laj Moisés kixye reheb' laj Israel chixjunil li k'aru chaq'rab'inb'ileb' wi' xb'aan li Qaawa'.

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Deuteronomio 4:14

Moqon kinxtaqla li Qaawa' chi xk'utb'al cheru li raatin ut li xchaq'rab', re naq teepaab' sa' li ch'och' teereechani laa'ex.

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Deuteronomio 33:4

Laj Moisés kixk'e qe li Chaq'rab', a'an xmaatan li loq'laj komonil re laj Jakob;

Salmos 78:7

re naq kawaqeb' xch'ool rik'in li Yos; ink'a' chisachq sa' xch'ooleb' li xninqal ru xb'aanuhom li Yos ut te'xpaab' chixjunil li xtaqlahom chi junelik.

Jeremías 26:2

ut kixye re chi jo'ka'in: “Xaqab' aawib' chiru xneb'aalil li wochoch ut aatinan rik'ineb' chixjunil li poyanam sa' xteepal Judá li neke'chalk chi loq'onink sa' rochoch li Qaawa'. Ye reheb' chixjunil li xinye aawe chi maajun li aatin taamuq.

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Deuteronomio 5:32

Chek'e eech'ool chi xb'aanunkil jo' chanru kextaqla wi' li Qaawa' leeYos. Meejal ru li b'e: ink'a' texxik sa' leenim chi moko sa' leetz'e.

Deuteronomio 13:1

“Mare sa' eeyanq taawakliiq junaq propeet malaj junaq aj matk' ut tixye resil naq xril jun nimla eetalil malaj sachb'ach'oolej.

Josué 8:35

Maajun junaq aatin re chixjunil li xtaqlahom laj Moisés ink'a' ta kiyaab'asimank chiruheb' chixjunil li xLoq'laj Ch'utameb' laj Israel; k'eeb'ileb' ajwi' sa' ajl eb' li ixq, eb' li kok'al ut eb' laj ab'l tenamit li wankeb' sa' xyanqeb' laj Israel.