Deuteronomio 4:1 - Q'eqchi Bible

¹ “Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

Li Santil hu

¹ Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Deuteronomio 4:1 ပူးပေါင်းရင်းမြစ်များ

Romanos 10:5

Laj Moisés kitz'iib'ak chirix li tiikil ch'oolej nachalk rik'in li Chaq'rab' ut kixch'olob' xyaalal chi jo'ka'in: “Ani tixb'aanu li naxye li Chaq'rab', taawanq xyu'am xb'aan a'an”.

Deuteronomio 8:1

“Chepaab' chixjunil li chaq'rab' xinye eere sa' li kutan a'in, re naq taawanq eeyu'am, texk'ihanq ut toxeereechani li ch'och' kixyeechi'i li Qaawa' reheb' leena' leeyuwa'.

Ezequiel 20:11

Aran kinq'axtesi linchaq'rab' ut kink'e chi xnaweb' li waatin, li tento te'xyu'ami eb' li poyanam re naq te'wanq xyu'am.

Levítico 18:5

“K'uulahomaq sa' leech'ool linchaq'rab' ut lintaqlahom. Ani taapaab'anq re, taayo'yooq. Laa'in li Qaawa'.

Deuteronomio 30:16

Wi taapaab' li nakatintaqla wi' anaqwan, wi taara li Qaawa' laaYos ut taataaqe li xb'e, wi taak'anjela ru li xchaq'rab' jo'wi' li xtaqlahom ut eb' li raatin, wanq aayu'am ut textamq; ut li Qaawa' laaYos tatrosob'tesi sa' li ch'och' toxaaweechani.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Levítico 22:31

“Paab'omaq linchaq'rab' ut k'anjelahomaq ru. Laa'in li Qaawa'.

Levítico 19:37

“Jo'kan b'i' paab'omaq chixjunil linchaq'rab' ut lintaqlahom ut k'anjelahomaq ru. Laa'in li Qaawa'”.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

Ezequiel 20:21

«A'ut eb' li ralal xk'ajoleb' ke'xq'etq'eti rib' chiwu ut ink'a' ke'xpaab' linchaq'rab'; ke'xq'et ut ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil li hilob'aal kutan. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li chaqich'och' xb'aan xmay linch'ool.

Ezequiel 11:20

re naq te'wanq jo' naxye linchaq'rab', te'xpaab' li waatin ut te'xyu'ami. Chi jo'kan a'anaqeb' lintenamit ut laa'inaq li xYoseb'.

Salmos 119:4

Laa'at xak'e chi nawe'k laachaq'rab' re naq taapaab'aaq chi tz'aqal re ru.

Salmos 105:45

re naq wanq sa' xch'ooleb' li xtaqlahom li Qaawa' ut junelik te'xpaab' li xloq'laj chaq'rab'. Aleluya!

Deuteronomio 30:19

Sa' li kutan a'in ninye aawe chiru li choxa ut li ruuchich'och': xinyeechi'i aawe yu'am ut kamk, osob'tesiik ut majewaak. Sik' ru li yu'am re naq yo'yooqat laa'at jo'wi' eb' laawalal aak'ajol.

Deuteronomio 16:20

Tiikilal, ka'ajwi' li tiikilal taasik', re naq yo'yooqat ut toxaaweechani li ch'och' tixk'e aawe li Qaawa' laaYos.

Deuteronomio 11:32

chek'e eech'ool chi xpaab'ankil chixjunil li chaq'rab' ut aatin li xink'e eere sa' li kutan a'in.

Deuteronomio 11:1

“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil.

Deuteronomio 4:45

A'aneb' a'in li aatin ut li chaq'rab' kixye laj Moisés reheb' laj Israel naq ke'elk chaq Ejiipt,

Deuteronomio 4:8

Ut k'a' chi tenamitul q'axal nim, wank xchaq'rab' tz'aqal tiik jo' ta chixjunil li chaq'rab' li yookin chi xq'axtesinkil eere anaqwan?

Levítico 20:8

Paab'omaq ut k'anjelahomaq ru linchaq'rab'. Laa'in li Qaawa' li nasantob'resink eere.

San Juan 15:14

Laa'ex li wamiiw wi nekeb'aanu li nekexintaqla wi'.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Éxodo 18:20

K'uteb' chiru li xtaqlankileb' ut eb' li chaq'rab'; k'e chixnaweb' li b'e li tento te'xk'am ut li k'anjel te'xb'aanu.

Deuteronomio 1:3

Sa' xtiklajik li xjunlaju po, ka'k'aal chihab'aq relikeb' aran Ejiipt, laj Moisés kixye reheb' laj Israel chixjunil li k'aru chaq'rab'inb'ileb' wi' xb'aan li Qaawa'.

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Levítico 19:19

“K'anjelahomaq ru linchaq'rab'. “Maak'e chi b'atz'unk laaketomq rik'in k'iila paay chi ketomq. “Maawaw wiib' paay chi iyaj sa' laach'och'. “Maatiqib' aawib' rik'in aq'ej wiib' paay ru xt'ikrul.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Deuteronomio 6:24

Chirix chik a'an li Qaawa' kooxchaq'rab'i chi xyu'aminkil chixjunileb' li chaq'rab' a'in ut roxloq'inkil ru li qaYos. Chi jo'kan sa toowanq ut yo'yooqo, jo' wanko toj sa' li kutan a'in.

Deuteronomio 7:11

K'uula sa' laach'ool li chaq'rab', li aatin ut chixjunil li k'aru nakatintaqla xk'anjelankil ru sa' li kutan a'in.

Deuteronomio 8:11

“K'e reetal, maatz'eq chirix aach'ool li Qaawa' laaYos. Misachk sa' aach'ool xpaab'ankil li chaq'rab', eb' li aatin ut taqlahom xinye aawe sa' li kutan a'in.

Deuteronomio 9:1

“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb':

Deuteronomio 13:1

“Mare sa' eeyanq taawakliiq junaq propeet malaj junaq aj matk' ut tixye resil naq xril jun nimla eetalil malaj sachb'ach'oolej.

Josué 3:9

Ut laj Josué kixye reheb' laj Israel: “Jilonqex chaq ut ab'ihomaq li raatin li Qaawa' leeYos.

Jeremías 11:6

Toja' naq li Qaawa' kixye we: “Puktesi li esil a'in sa'eb' li tenamit sa' xteepal Judá ut sa'eb' li b'e re Jerusalén. Ye reheb' li poyanam: «Ab'ihomaq k'aru naxye li Sumwank a'in ut paab'omaq.